ក្រុងកំពង់ចាម
រូបតំណាងក្រុងកំពង់ចាម
តំបន់ផ្កាលឿងរាជ
តំបន់ផ្ការឿងរាជ ស្ថិតនៅភូមិព្រែកដើមចាន់ សង្កាត់សំបួរមាស ក្រុងកំពង់ចាម ខេត្តកំពង់ចាម
សួនផ្កាស្បៃរឿង
សួនផ្កាស្បៃរឿង ស្ថិតនៅច្រាំងទន្លេ ខាងក្រោមស្ពានគីហ្សុណា ក្នុងភូមិទី៣ សង្កាត់វាលវង់ ក្រុងកំពង់ចាម
ការិយាល័យច្រកចេញចូលតែមួយ
បម្រើសេវាសាធារណៈ ប្រកបដោយតម្លាភាព ប្រសិទ្ធភាព និងគណនេយ្យភាព ប្រកបដោយចីរភាព
១
/
៦
លោក លី សុវណ្ណ
សាររបស់អភិបាលនៃគណៈអភិបាលក្រុងកំពង់ចាម
សូមក្រាបថ្វាយបង្គំ ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត!
សូមគោពរជូន សម្ដេច ឯកឧត្ដម លោកជំទាវ លោក-លោកស្រី និងបងប្អូនជនរួមជាតិ ជាទីគោរពស្រលាញ់រាប់អាន!
សូមស្វាគមន៍មកកាន់គេហទំព័ររបស់រដ្ឋបាលក្រុងកំពង់ចាម !
ជំនួសមុខឱ្យក្រុមប្រឹក្សាក្រុង និង គណៈអភិបាលក្រុងកំពង់ចាម ក្នុងនាមខ្លួនខ្ញុំផ្ទាល់ ខ្ញុំសង្ឃឹមយ៉ាងមុតមាំថា ការអនុវត្តកិច្ចការងាររដ្ឋបាលក្រុង ប្រកាន់ភ្ជាប់លើគោលការណ៍ "អភិបាលកិច្ចល្អ តម្លាភាព គណនេយ្យភាព ការចូលរួម និងនិតិរដ្ឋ" ដើម្បីចូលរួមកសាងមូលដ្ឋានគ្រឹះ ឆ្ពោះទៅចក្ខុវិស័យប្រទេសកម្ពុជា ក្លាយជាប្រទេសអភិវឌ្ឍន៍ក្នុងឆ្នាំ២០៥០ និងបំពេញនូវរាល់សេចក្ដីត្រូវការរបស់ប្រជាពលរដ្ឋពាក់ព័ន្ធនិងសេវាសាធារណៈ បញ្ហាប្រឈមនានា សំដៅដោះស្រាយនូវរាល់តម្រូវការក្នុងមូលដ្ឋាន ស្របតាមគោលការណ៍ច្បាប់ លិខិតបទដ្ឋានគត្តិយុត្ត និងយុទ្ធសាស្រ្តបញ្ចកោណរបស់រាជរដ្ឋាភិបាល ដែលមានសម្ដេចមហាបវរធិបតី ហ៊ុន ម៉ាណែត ជានាយករដ្ឋមន្រ្តី ។
ខ្ញុំសូមជូនពរដល់បងប្អូនជនរួមជាតិទាំងអស់ សូមប្រកបដោយពុទ្ធពរទាំង ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
ផ្ទៃដីក្រុង(គ.ម២)
២១.៧៨
ចំនួនប្រជាជន
៤៧.០១៨
ចំនួនគ្រួសារ
១០.៤២៩
ចំនួនសង្កាត់
៤
ចំនួនភូមិ
៣៤
តំបន់ទេសចរណ៍
ព័ត៌មាន និង ព្រឹត្តិការណ៍សំខាន់ៗ
ព័ត៌មានចំណេះដឹង
៣០
ការផ្សព្វផ្សាយស្តីពីប្រកាសអន្តរក្រសួង ៣៤៣ ស្តីពីការផ្តល់សេវារដ្ឋបាល ក្រុង ស្រុក ខណ្ឌ និងផ្សព្វផ្សាយការប្រេីប្រាស់កម្មវិធីព័ត៌មានវិទ្យាទទួលពាក្យសុំ និងផ្តល់សេវារដ្ឋបាលតាមប្រព័ន្ឋអនឡាញ
នៅព្រឹក ថ្ងៃទី ២០ ខែតុលា ឆ្នាំ២០២៦
លោក ឈួន វិបុល អភិបាលរងនៃគណៈអភិបាលក្រុងកំពង់ចាម ទទួលបន្ទុកការងារនៅការិយាល័យច្រកចេញចូលតែមួយ បានដឹកនាំ លោកស្រី ផុន ចាន់សុថា ប្រធានការិយាល័យច្រកចេញចូលតែមួយ និងមន្ត្រីជំនាញការិយាល័យច្រកចេញចូលតែមួយ ធ្វើការប្រជុំផ្សព្វផ្សាយស្តីពីប្រកាសអន្តរក្រសួង ៣៤៣ ស្តីពីការផ្តល់សេវារដ្ឋបាល ក្រុង ស្រុក ខណ្ឌ និងផ្សព្វផ្សាយ ស្តីពីការប្រេីប្រាស់កម្មវិធីព័ត៌មានវិទ្យាសម្រាបទទួលពាក្យសុំ និងផ្តល់សេវារដ្ឋបាលតាមប្រព័ន្ឋអនឡាញ នៃការិយាល័យច្រកចេញចូលតែមួយក្រុង ស្រុក ខណ្ឌ ជូនដល់លោកគ្រូ អ្នកគ្រូសាលាបឋមសិក្សាកំរង នៅវិទ្យាល័យដីដុះ មានសមាសភាពចូលរួមសរុប ១៤៣ នាក់ ស្រី ១០៩ នាក់ ។
ព័ត៌មាននៅថ្នាក់ក្រុង
២៧
កិច្ចប្រជុំប្រចាំខែតុលា របស់គណៈកម្មាធិការពិគ្រោះយោបល់ស្រ្តី និងកុមារ របស់រដ្ឋបាលក្រុងកំពង់ចាម
នារសៀល ថ្ងៃទី ១៩ ខែ តុលា ឆ្នាំ ២០២៦
លោកស្រី ជា វិជ្ជនី ប្រធានគណៈកម្មាធិការពិគ្រោះយោបល់ស្រ្តី និងកុមារក្រុងកំពង់ចាម បានដឹកនាំកិច្ចប្រជុំប្រចាំខែ តុលា ឆ្នាំ២០២៦ ។ ក្នុងគោលបំណងពិនិត្យ និងដោះស្រាយអំពីបញ្ហាប្រឈមមួយចំនួន ពិសេសពាក់ព័ន្ធលើការផ្ដល់ប័ណ្ណសមធម៌ (ក្រ១ . ក្រ២), ការប្រើប្រាស់កម្លាំងពលកម្មលើកុមារ, អំពីហិង្សាលើស្រ្តី និងចុះឈ្មោះចូលរៀននៅបវេសនកាលខាងមុខនេះ ចំពោះក្មេងដែលគ្រប់អាយុចូលរៀន, ការផ្សព្វផ្សាយការការពារពីជំងឺគ្រុនឈាមតាមសាលា ។ល។
សរុបអ្នកចូលរួម ១៩នាក់ ស្រី១២នាក់។
ព័ត៌មាននៅថ្នាក់ក្រុង
២៦
ក្រុមការងារនៅក្នុងការិ.ច្រកបានចុះពិនិត្យមើលទីតាំងសុំប្រកបអាជីវកម្មក្នុងក្រុងកំពង់ចាម
នាព្រឹក ថ្ងៃទី ១៩ ខែតុលា ឆ្នាំ២០២៦
លោកស្រី ផុន ចាន់សុថា ប្រធានការិយាល័យច្រកចេញចូលតែមួយ និងក្រុមការងារជួរក្រោយនៅក្នុងការិយាល័យច្រកចេញចូលតែមួយ បានចុះពិនិត្យមើលទីតាំងសុំប្រកបអាជីវកម្ម ៦កន្លែង ក្នុងនោះ ៖ នៅក្នុងភូមិទី៩ (១កន្លែង) , ភូមិទី១៥ (១កន្លែង) ក្នុងសង្កាត់កំពង់ចាម និង ភូមិបឹងកុកទី២ (២កន្លែង) , ភូមិមេម៉ាយ (១កន្លែង) និងភូមិឡឥដ្ឋ (១កន្លែង) ស្ថិតក្នុងសង្កាត់បឹងកុក ក្រុងកំពង់ចាម។
ព័ត៌មាននៅថ្នាក់ក្រុង
៣១
សូមឧទ្ទិសថ្វាយព្រះរាជកុសល ថ្វាយព្រះវិញ្ញាណក្ខន្ធព្រះករុណាព្រះបាទនរោត្តម សីហនុ ព្រះបរមរតនកោដ្ឋ គម្រប់ខួប ១៤ឆ្នាំ (១៥ តុលា ២០១២-១៥ តុលា ២០២៦)។
ក្នុងនាមក្រុមប្រឹក្សាក្រុង គណៈអភិបាលក្រុង មន្ត្រីរាជការ កងកម្លាំងប្រដាប់អាវុធ និងប្រជានុរាស្ត្រ ទូទាំងក្រុងកំពង់ចាម ទូលព្រះបង្គំយើងខ្ញុំ សូមឧទ្ទិសថ្វាយព្រះរាជកុសល ថ្វាយព្រះវិញ្ញាណក្ខន្ធព្រះករុណាព្រះបាទនរោត្តម សីហនុ ព្រះបរមរតនកោដ្ឋ គម្រប់ខួប ១៤ឆ្នាំ (១៥ តុលា ២០១២-១៥ តុលា ២០២៦)។
កូនចៅ ចៅទូតរបស់ព្រះអង្គ សូមចងចាំជានិច្ច នូវគុណូបការៈដ៏ថ្លៃថ្លារបស់ព្រះអង្គ ដែលបានលះបង់ព្រះកាយពល ដើម្បីជាតិ សាសនា និងប្រជារាស្រ្តរបស់ព្រះអង្គ។ សូមដួងព្រះវិញ្ញាណក្ខន្ធរបស់ព្រះអង្គ បានសោយសុខក្នុងឋានសុគតិភព កុំបីឃ្លៀងឃ្លាតឡើយ និងសូមជួយថែរក្សាអភិបាល រាជរដ្ឋាភិបាលកម្ពុជា ក្រោមការដឹកនាំដោយ សម្តេចមហាវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ឱ្យទទួលបាននូវសុខសន្តិភាព និងការអភិវឌ្ឍ រីកចម្រើនបន្ថែមទៀត ជូនដល់ព្រះរាជាណាចក្រកម្ពុជា។
ព័ត៌មានកម្សាន្ត
៣០
ការចុះពិនិត្យទីតាំងសំខាន់ៗ នៃកន្លែងប្រារព្ធពិធី សម្រាប់ត្រៀមរៀបចំពិធីប្រណាំងទូក “ង” ទូកខ្នាតអន្តរជាតិ បណ្ដែតប្រទីប តាំងពិព័រណ៍សមិទ្ធផល និងអុចកាំជ្រួច នៅក្រុងកំពង់ចាម
នារសៀលថ្ងៃទី១៤ ខែតុលា ឆ្នាំ២០២៦
លោក រី ដាវិន អភិបាលរងនៃគណៈអភិបាលក្រុងកំពង់ចាម បានអមដំណេីរជាមួយឯកឧត្តម លី សារ៉ារិទ្ធ អភិបាលរងខេត្ត តំណាងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម អញ្ជេីញចុះពិនិត្យទីតាំងសំខាន់ៗ នៃកន្លែងប្រារព្ធពិធី សម្រាប់ត្រៀមរៀបចំពិធីប្រណាំងទូក “ង” ទូកខ្នាតអន្តរជាតិ បណ្ដែតប្រទីប តាំងពិព័រណ៍សមិទ្ធផល និងអុចកាំជ្រួច នៅក្រុងកំពង់ចាម ខេត្តកំពង់ចាម។
ព័ត៌មានថ្នាក់ខេត្ដ
៣៧
អភិបាលខេត្តកំពង់ចាម អញ្ជើញចុះពិនិត្យទីតាំងរៀបចំពិធីប្រណាំងទូក នៅក្រុងកំពង់ចាម
នាព្រឹក ថ្ងៃទី១៣ ខែតុលា ឆ្នាំ២០២៦
ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំក្រុមការងារ អញ្ជើញចុះពិនិត្យទីតាំងសម្រាប់រៀបចំកម្មវិធីប្រណាំងទូក ខេត្តកំពង់ចាម ដែល នឹងប្រព្រឹត្តទៅនៅក្រុងកំពង់ចាម នាឱកាសបុណ្យចេញវស្សាខាងមុខនេះ នឹងមានទូក «ង» និងទូកខ្នាតអន្តរជាតិ ចូលរួមប្រណាំងប្រជែងសរុប រហូតដល់ ១០០ ទូក ដោយត្រូវតតាំងគ្នា ចំនួន ៤ ជើង លើចម្ងាយផ្លូវទឹក ១,៥០០ ម៉ែត្រ ដើម្បីស្វែងរកជើងខ្លាំងប្រចាំខេត្ត។
ឯកឧត្តម អ៊ុន ចាន់ដា អភិបាលខេត្តកំពង់ចាម បានបញ្ជាក់ក្នុងកិច្ចប្រជុំអនុគណៈកម្មការបច្ចេកទេស កាលពីព្រឹកថ្ងៃទី១៣ ខែតុលា ឆ្នាំ២០២៦ ថា ព្រឹត្តិការណ៍ប្រណាំងទូកឆ្នាំនេះ នឹងប្រព្រឹត្តទៅនា ថ្ងៃចន្ទ ទី២៦ ខែតុលា ឆ្នាំ២០២៦ (ត្រូវនឹងថ្ងៃ១៥កើត ខែអស្សុជ ថ្ងៃបុណ្យចេញព្រះវស្សា) នៅក្រុងកំពង់ចាម។ ឯកឧត្តមអភិបាលខេត្ត បានឱ្យដឹងថា ព្រឹត្តិការណ៍នេះមានទូកចូលរួមសរុបចំនួន ១០០ ទូក ដោយក្នុងនោះរួមមាន ទូក «ង» ចំនួន ៥២ ទូក (ស្មើនឹង ២៦ គូ) និងទូកខ្នាតអន្តរជាតិ ចំនួន ៤៨ ទូក (ស្មើនឹង ២៤ គូ)។
ពាក់ព័ន្ធនឹងលក្ខណៈបច្ចេកទេសនៃការប្រកួត ឯកឧត្តម អ៊ុន ចាន់ដា បានបន្តថា ការប្រកួតត្រូវធ្វើឡើងចំនួន ៤ ជើង ដោយកាត់សេចក្តីលើលទ្ធផល ឈ្នះ-ចាញ់ សុទ្ធសាធ ដោយមិនគិតនាទីឡើយ។ ក្នុងនោះ ជើងទី១ ត្រូវចាប់ឆ្នោតជ្រើសរើសខ្សែទឹក ដោយទូកខ្នាតអន្តរជាតិប្រកួតជាមួយខ្នាតអន្តរជាតិ និងទូក «ង» ខ្នាតវែងប្រកួតជាមួយខ្នាតវែង រួចបន្តទៅជើងទី២ និងទី៣ ដែលជាការប្រកួតចម្រាញ់ខ្លាំងជួបខ្លាំង (អ្នកឈ្នះប៉ះអ្នកឈ្នះ) និងខ្សោយជួបខ្សោយ (អ្នកចាញ់ប៉ះអ្នកចាញ់) ហើយឈានទៅជើងទី៤ ដែលជាជើងប្រកួតសម្រេចដើម្បីស្វែងរកជ័យលាភីលេខ១, លេខ២ និងលេខ៣។
ឯកឧត្តមបានបន្ថែមថា ចំពោះទូកដែលមិនទទួលបានចំណាត់ថ្នាក់ ក៏នឹងទទួលបានទង់កិត្តិយស រួមទាំងការឧបត្ថម្ភលើកទឹកចិត្តផងដែរ ដើម្បីជាការជូនរង្វាន់ដល់ការខិតខំប្រឹងប្រែងរបស់កីឡាករទាំងអស់៕
ពាក់ព័ន្ធនឹងលក្ខណៈបច្ចេកទេសនៃការប្រកួត ឯកឧត្តម អ៊ុន ចាន់ដា បានបន្តថា ការប្រកួតត្រូវធ្វើឡើងចំនួន ៤ ជើង ដោយកាត់សេចក្តីលើលទ្ធផល ឈ្នះ-ចាញ់ សុទ្ធសាធ ដោយមិនគិតនាទីឡើយ។ ក្នុងនោះ ជើងទី១ ត្រូវចាប់ឆ្នោតជ្រើសរើសខ្សែទឹក ដោយទូកខ្នាតអន្តរជាតិប្រកួតជាមួយខ្នាតអន្តរជាតិ និងទូក «ង» ខ្នាតវែងប្រកួតជាមួយខ្នាតវែង រួចបន្តទៅជើងទី២ និងទី៣ ដែលជាការប្រកួតចម្រាញ់ខ្លាំងជួបខ្លាំង (អ្នកឈ្នះប៉ះអ្នកឈ្នះ) និងខ្សោយជួបខ្សោយ (អ្នកចាញ់ប៉ះអ្នកចាញ់) ហើយឈានទៅជើងទី៤ ដែលជាជើងប្រកួតសម្រេចដើម្បីស្វែងរកជ័យលាភីលេខ១, លេខ២ និងលេខ៣។
ឯកឧត្តមបានបន្ថែមថា ចំពោះទូកដែលមិនទទួលបានចំណាត់ថ្នាក់ ក៏នឹងទទួលបានទង់កិត្តិយស រួមទាំងការឧបត្ថម្ភលើកទឹកចិត្តផងដែរ ដើម្បីជាការជូនរង្វាន់ដល់ការខិតខំប្រឹងប្រែងរបស់កីឡាករទាំងអស់៕
ព័ត៌មាននៅថ្នាក់ក្រុង
៣១
កិច្ចប្រជុំគណៈកម្មាធិការផែនការសកម្មភាពរួមស្ដីពីការងារគណនេយ្យភាពសង្គម (JAAPC) ប្រចាំត្រីមាសទី៣ ឆ្នាំ២០២៦
នាព្រឹកថ្ងៃទី៨ ខែតុលា ឆ្នាំ២០២៦
លោកស្រី រិន ធារ៉ា អភិបាលរងនៃគណៈអភិបាលក្រុងកំពង់ចាម និងជាប្រធានក្រុមការងារគណនេយ្យភាពក្រុងកំពង់ចាម បានអញ្ជើញដឹកនាំកិច្ចប្រជុំគណៈកម្មាធិការផែនការសកម្មភាពរួមស្ដីពីការងារគណនេយ្យភាពសង្គម (JAAPC) ប្រចាំត្រីមាសទី៣ ឆ្នាំ២០២៦ ដើម្បីពិនិត្យ និងតាមដានវឌ្ឍនភាពស្ដីពីការអនុវត្តផែនការសកម្មភាពរួម(JAAP) ដែលបានអនុវត្តក្នុងឆ្នាំ២០២៦ និងពិភាក្សាដោះស្រាយបញ្ហាប្រឈមនានា ដើម្បីអោយការអនុវត្តផែនការសកម្មភាពរួមស្ដីពីការងារគណនេយ្យភាពសង្គមអោយបានល្អប្រសើរ ដើម្បីឆ្លើយតបទៅនឹងតម្រូវរបស់ប្រជាពលរដ្ឋបានទាន់ពេលវេលា និងមានប្រសិទ្ធភាពខ្ពស់។
ព័ត៌មានថ្នាក់ខេត្ដ
៣១
ប្រជុំត្រួតពិនិត្យ លទ្ធផលការងាររយៈពេល៩ខែឆ្នាំ២០២៦ នៃការអនុវត្តគោលនយោបាយ ភូមិ ឃុំ-សង្កាត់ មានសុវត្ថិភាព។
ព្រឹកថ្ងៃទី៧ ខែតុលា ឆ្នាំ២០២៦
លោក រី ដាវិន អភិបាលរងនៃគណៈអភិបាលក្រុងកំពង់ចាម តំណាងលោក លី សុវណ្ណ អភិបាលនៃគណៈអភិបាលក្រុងកំពង់ចាម បានដឹកនាំលោក អ៊ុម ឌីណា នាយករងរដ្ឋបាលក្រុង អញ្ជេីញចូលរួមប្រជុំត្រួតពិនិត្យ លទ្ធផលការងាររយៈពេល៩ខែឆ្នាំ២០២៦ នៃការអនុវត្តគោលនយោបាយ ភូមិ ឃុំ-សង្កាត់ មានសុវត្ថិភាព។ ក្រោមអធិបតីភាពដ៏ខ្ពង់ខ្ពស់ឯកឧត្តម អ៊ួច ភា រដ្ឋលេខាធិការក្រសួងមហាផ្ទៃ និងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម។
----------======-----------
នៅសាលសន្និសិទ សាលាខេត្តកំពង់ចាម ។
ប្រភេទលេខទូរសព្ទ
ប៉ូលិស
លេខទូរសព្ទ
១១៧
ប្រភេទលេខទូរសព្ទ
អគ្គីភ័យ
លេខទូរសព្ទ
៦៦៦
ប្រភេទលេខទូរសព្ទ
សង្គ្រោះ
លេខទូរសព្ទ
១១៩
ប្រភេទលេខទូរសព្ទ
ទាន់ហេតុការណ៍
លេខទូរសព្ទ
១២៩៩
ប្រភេទលេខទូរសព្ទ
កូវីដ១៩
លេខទូរសព្ទ
១១៥
ប្រភេទលេខទូរសព្ទ
ទាន់ហេតុការណ៍
លេខទូរសព្ទ
០១២ ៨២៥ ៤២៤/៤៨៨
