ព័ត៌មានទូទៅ

https://cms.krongkampongcham.gov.kh/uploads/topics/17731939012608.jpg

ព័ត៌មានថ្នាក់ខេត្ដ

២១

ឯកឧត្តម អ៊ុច បូររិទ្ធ ប្រធាន ស្តីទី ព្រឹទ្ធសភា នៃព្រះរាជាណាចក្រកម្ពុជា បានអញ្ជើញ ចែកកញ្ចប់អាហារស្រាយបួសខែរ៉ាម៉ាឌន ជូនប្រជាពលរដ្ឋខ្មែរ-ឥស្លាម ប្រមាណជាង៤០០គ្រួសារ

នារសៀលថ្ងៃទី១០ ខែមិនា ឆ្នាំ២០២៦

-----------====---------

ខេត្តកំពង់ចាម

ឯកឧត្តម អ៊ុន ចាន់ដា អភិបាលខេត្តកំពង់ចាម អមដំណើរឯកឧត្តម អ៊ុច បូររិទ្ធ ប្រធាន ស្តីទី ព្រឹទ្ធសភា នៃព្រះរាជាណាចក្រកម្ពុជា នាព្រឹកថ្ងៃទី១០ ខែមិនា ឆ្នាំ២០២៦នេះ បានអញ្ជើញ ចែកកញ្ចប់អាហារស្រាយបួសខែរ៉ាម៉ាឌន ជូនប្រជាពលរដ្ឋខ្មែរ-ឥស្លាម ប្រមាណជាង៤០០គ្រួសារ នៅក្នុងសង្កាត់សំបួរមាស ក្រុងកំពង់ចាម និងឃុំពាមជីកង ស្រុកកងមាស។

ថ្លែងក្នុងឱកាសនោះដែរ ឯកឧត្តម អ៊ុន ចាន់ដា អភិបាលខេត្តកំពង់ចាម មានប្រសាសន៍ថា រាជរដ្ឋាភិបាលតែងតែយកចិត្តទុកដាក់ ផ្តល់សេរីភាពជំនឿសាសនាយ៉ាងទូលំទូលាយដល់ ប្រជាជនទូទៅ ដោយឈរលើមូលដ្ឋាននៃការ ពង្រឹងសុខដុមនីយកម្ម រវាងសាសនិកនៃគ្រប់និកាយ សាសនា ប្រឆាំងរាល់ទង្វើរើសអើងនានា សំដៅទប់ស្កាត់ការយកសាសនាទៅធ្វើអាជីវកម្ម ដែលអាចបង្កវិបត្តិសាសនានៅកម្ពុជា។

ឯកឧត្តមអភិបាលខេត្ត បានបញ្ជាក់ថា នៅក្នុងខេត្តកំពង់ចាម មានសាសនា ចំនួន៤ គឺ ព្រះ ពុទ្ធសាសនា ឥស្លាមសាសនា គ្រិស្តសាសនា និងពុទ្ធសាសនាមហាយាន ដែលកំពុងធ្វើសកម្មភាព សាសនាយ៉ាងទូលំទូលាយ ប្រកបដោយសុខដុមរមនា ពុំដែលមានអធិករណ៍ អន្តរសាសនាកើត ឡើងឡើយ ទាំងនេះពិតជាមានមោទនភាពចំពោះប្រជាពលរដ្ឋកម្ពុជា ដែលគោរពកាន់ សាសនាផ្សេងៗគ្នា ប៉ុន្តែមានសាមគ្គីភាពគ្នាយ៉ាងល្អប្រសើរ។

ក្នុងឱកាសនោះផងដែរ ឯកឧត្តម អ៊ុច បូរិទ្ធ ប្រធានស្តីទី ព្រឹទ្ធសភា ក៏បាននាំយកប្រសាសន៍ផ្តាំផ្ញើសួរសុខទុក្ខ ប្រកបដោយក្តីនឹករលឹក និងយកចិត្តទុកដាក់បំផុតពីសំណាក់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងថ្នាក់ដឹកនាំ ព្រឹទ្ធសភា។

ឯកឧត្តម ប្រធានស្ដីទីព្រឹទ្ធសភា បានលើកឡើងថា រាជរដ្ឋាភិបាលក្រោមការដឹកនាំដ៏ ឈ្លាសវៃ របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងបន្តដឹកនាំដោយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានខិតខំប្រែប្រែងដឹកនាំប្រទេសយ៉ាងខ្លាំងខ្លាធ្វើយ៉ាងណាដើម្បីឲ្យប្រជាពលរដ្ឋមានជីវភាពរស់នៅធូរធារសេដ្ឋកិច្ចមានការកើនឡើងបន្ថែមទៀត រក្សាបាននូវសុខសន្តិភាព ព្រមទាំងបានធ្វើឲ្យមានសុខដុមនីយកម្ម ជាតិសាសន៍ និងសាសនា ដោយគ្មានការរើសអើងពូជសាសន៍ និង ជម្លោះសាសនាឡើយ។

ឯកឧត្តម អ៊ុច បូរិទ្ធ ប្រធានស្ដីទីព្រឹទ្ធសភា បានថ្លែងអំណរ អរគុណយ៉ាងជ្រាលជ្រៅ ចំពោះប្រជាពលរដ្ឋទាំងអស់ ដែលបានចូលរួមបន្ត ថែរក្សាសុខសន្តិភាព សុខដុមនីយកម្ម ជាតិសាសន៍ និងសាសនា ហើយមាន ជំនឿជឿជាក់លើការដឹកនាំ ប្រកបដោយគតិបណ្ឌិត របស់សម្តេចតេជោ ហ៊ុន សែន និងសម្តេចមហា បវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា៕

១១ មីនា ២០២៦

https://cms.krongkampongcham.gov.kh/uploads/topics/17731931538526.jpg

ព័ត៌មានថ្នាក់ខេត្ដ

២១

ឯកឧត្ដម អ៊ុន ចាន់ដា អញ្ជើញដឹកនាំកិច្ចប្រជុំត្រួតពិនិត្យវឌ្ឍនភាពការងាររៀបចំព្រឹត្តិការណ៍សង្ក្រាន្តកំពង់ចាម ដេីម្បីចូលរួមអបអរសាទរទទួលទេវតាឆ្នាំថ្មីព្រះនាម «រាក្សសាទេវី»

នារសៀលថ្ងៃទី១០ ខែមិនា ឆ្នាំ២០២៦

-----------====---------

ខេត្តកំពង់ចាម

លោក លី សុវណ្ណ អភិបាលនៃគណៈអភិបាលក្រុងកំពង់ចាម បានចូលរួមកិច្ចប្រជុំត្រួតពិនិត្យវឌ្ឍនភាពការងាររៀបចំព្រឹត្តិការណ៍សង្ក្រាន្តកំពង់ចាម ក្នុងឱកាសបុណ្យចូលឆ្នាំថ្មីប្រពៃណីជាតិ ឆ្នាំមមី អដ្ឋស័ក ព.ស ២៥៦៩ គ.ស ២០២៦ ដេីម្បីអបអរសាទរទទួលទេវតាឆ្នាំថ្មីព្រះនាម «រាក្សសាទេវី» ក៏ដូចជាការចូលរួមចំណែកលើកកម្ពស់វប្បធម៌ប្រពៃណីជាតិខ្មែរ ក្រោមអធិបតីភាព ឯកឧត្ដម អ៊ុន ចាន់ដា អភិបាលខេត្តកំពង់ចាម ។

ឯកឧត្ដម អភិបាលខេត្ត បានគូសបញ្ជាក់ថា ដោយមានការណែនាំដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ក្នុងឱកាសអបអរសាទរ ពិធីបុណ្យចូលឆ្នាំថ្មីប្រពៃណីជាតិ នឹងឈានចូលមកដល់ នាពេលខាងមុខឆាប់នេះ រដ្ឋបាលខេត្តគ្រោងនឹងរៀបចំព្រឹត្តិការណ៍សង្ក្រាន្តកំពង់ចាម ដើម្បីបង្កភាពសប្បាយរីករាយ ជូនដល់ប្រជាពលរដ្ឋ មកលេងកំសាន្ត ដោយមានការរៀបចំនូវលេងល្បែងប្រជាប្រិយ ការប្រគុំតន្ត្រីសម័យនាពេលរាត្រី និងលេងកម្សាន្តសប្បាយក្រោមម្លប់សុខសន្តិភាព។

បេីតាមលោក ស្រី សុភ័ក្ដ្រ អភិបាល រងខេត្តកំពង់ចាម បានឱ្យដឹងថា ដើម្បីចូលរួមអបអរសាទរស្វាគមន៍ឆ្នាំថ្មី ប្រពៃណីជាតិខ្មែរ ដែលនឹងឈានមកដល់នាពេលខាងមុខនេះ។ រដ្ឋបាលខេត្តនឹងរៀបចំព្រឹត្តិការណ៍សង្ក្រាន្តកំពង់ចាម រយៈពេល ៤ថ្ងៃ ចាប់ពីថ្ងៃទី១៣ ដល់ថ្ងៃទី១៦ ខែមេសា ឆ្នាំ២០២៦ នៅសួនច្បារមុខ សាលាខេត្តកំពង់ចាម ចាប់ពីម៉ោង១៤.០០នាទីតទៅ ព្រមទាំងរៀបចំនៅតាមបណ្តាស្រុក និងនៅតាមទីតាំងរមណីយដ្ឋាន ទីវត្តអារាមនានាក្នុងខេត្តកំពង់ចាម។

ស្របពេលដែលព្រះរាជាណាចក្រកម្ពុជា មានសុខសន្តិភាព ស្ថិរភាពនយោបាយ ព្រឹត្តិការណ៍សង្ក្រាន្តឆ្នាំថ្មីនេះនឹងផ្តល់ឱកាសជូនដល់បងប្អូនប្រជាពលរដ្ឋ សាធារណជន ភ្ញៀវជាតិ អន្តរជាតិ មកចូលរួមអបអរសាទរទទួលទេវតាឆ្នាំថ្មីព្រះនាម «រាក្សសាទេវី» ហើយក៏ជាឱកាសដ៏ល្អសម្រាប់ ការជួបជុំ ក្រុមគ្រួសាររបស់បងប្អូនប្រជាពលរដ្ឋ ផងដែរ៕

១១ មីនា ២០២៦

https://cms.krongkampongcham.gov.kh/uploads/topics/17728078212736.jpg

ព័ត៌មាននៅថ្នាក់ក្រុង

៤០

ផ្កាចំរុះព័ណ៌នៅច្រាំងទន្លេ និងបង្ហាញសម្រស់ក្នុងពេលឆាប់ៗនេះ

ក្រោមការដឹកនាំ និងការខិតខំប្រឹងប្រែងពីសំណាក់ លោក លី សុវណ្ណ អភិបាលនៃគណៈអភិបាលក្រុងកំពង់ចាម បានរៀបចំនូវសួនផ្កាចម្រុះព័ណ៌ ដែលបានកែប្រែពីច្រាំងន្លេដែលជាគំនរសំរាម មកជាសួនផ្កាចម្រុះពណ៌ដ៏ស្រស់ត្រកាល ប្រកបដោយសោភ័ណ្ឌភាព ក្នុងការទាក់ទាញដល់បងប្អូនប្រជាពលរដ្ឋគ្រប់មជ្ឈដ្ឋានមកកំសាន្ត ។

០៦ មីនា ២០២៦

https://cms.krongkampongcham.gov.kh/uploads/topics/17725509265103.jpg

ព័ត៌មានថ្នាក់ខេត្ដ

៤៧

អភិបាលរងខេត្តកំពង់ចាម ប្រជុំត្រៀមរៀបចំតាំងពិព័រណ៍ភូមិ១ ផលិតផល១ នាឱកាសពិធីបុណ្យចូលឆ្នាំខ្មែរ ឆ្នាំ២០២៦

ព្រឹកថ្ងៃទី៣ ខែមីនា ឆ្នាំ២០២៦

---------=====-------

(កំពង់ចាម)

លោកស្រី រិន ធារ៉ា អភិបាលរង នៃគណៈអភិបាលក្រុង បានចូលរួមកិច្ចប្រជុំអនុគណៈកម្មការពិព័រណ៍ភូមិ១ ផលិតផល១ ដើម្បីត្រៀមរៀបចំតាំងពិពរណ៍ នាឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំ២០២៦ ដែលនឹងឈានមកដល់នាពេលខាងមុខ ក្រោមអធិបតីភាព លោក ឡោ ចាន់លី អភិបាលរងខេត្ត តំណាង ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម នាព្រឹកថ្ងៃទី០៣ ខែកុម្ភៈ ឆ្នាំ២០២៦ អញ្ជើញដឹកនាំ។

លោក អភិបាលរងខេត្ត បានថ្លែងថា កិច្ចប្រជុំនាពេលនេះគឺដើម្បី ពិគ្រោះយោបល់គ្នាលើការងាររៀបចំតាំងពិព័រណ៍ភូមិ១ ផលិតផល១ សម្រាប់ព្រឹត្តិការណ៍សង្ក្រាន្តកំពង់ចាម នៅក្រុងកំពង់ចាម ដើម្បីផ្សព្វផ្សាយដល់សាធារណៈជន ដែលមានបំណងមកលេងកម្សាន្តនៅខេត្តកំពង់ចាម នាឱកាសអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំ២០២៦។

នាឱកាសនោះ លោក ឡោ ចាន់លី អភិបាលរងខេត្ត បានណែនាំថា សម្រាប់ស្តង់មន្ទីរ-អង្គភាព និងស្រុកទាំង០៩ ទទួលខុសត្រូវដាក់តាំងផលិតផល ភូមិ១ ផលិតផល១ ជាចំណីអាហារចែកជូនអ្នក ទស្សនាហូបដោយឥតគិតថ្លៃ មានដូចជា៖ ត្រសក់ចាវ, ឆៃប៉ូវ, នំត្រចៀកភ្នង, នំកន្ត្រប នំអន្សម,នំបត់, នំបត់ស្រស់ ពោតស្ងោ, ដំឡូងស្ងោ, ចេកណាំវ៉ា, ស្វាយ , គ្រាប់ស្វាយចន្ទីលីង,ចេកអំបូង, ផ្លែឈើ សណ្ដែកដីស្ងោ, ក្រឡាន ជាដើម។

បើតាម លោក ឈាង បូរិន ប្រធានមន្ទីរពាណិជ្ជកម្មខេត្តកំពង់ចាម បានឲ្យដឹងថា សម្រាប់ទីតាំងត្រៀមរៀបចំតាំងពិពរណ៍ គឺនៅទីតាំងវិមានឯករាជ្យខេត្ត ក្នុងទីលានមុខសាលាគរុកោសល្យខេត្តកំពង់ចាម កម្មវិធីរួមមាន ៖ប្រគុំតន្ត្រី ប្រដាល់គុនខ្មែរ ពិព័រណ៍ភូមិ១ផលិត១ ដែលមានស្តង់សរុបចំនួន៤០ស្តង់៕

០៣ មីនា ២០២៦

https://cms.krongkampongcham.gov.kh/uploads/topics/17725498023081.jpg

ព័ត៌មាននៅថ្នាក់ក្រុង

២០

កិច្ចប្រជុំសាមញ្ញលើកទី២២ អាណត្តិទី៤ របស់ក្រុមប្រឹក្សាក្រុងកំពង់ចាម ក្រោមអធិបតីភាពលោក នាង ឈុនហ៊ាង ប្រធានក្រុមប្រឹក្សាក្រុង

ព្រឹកថ្ងៃទី៣ ខែមីនា ឆ្នាំ២០២៦

--------====--------

ក្រុងកំពង់ចាម

លោក លី សុវណ្ណ អភិបាលនៃគណៈអភិបាលក្រុងកំពង់ចាម បានដឹកនាំថ្នាក់ដឹកនាំ និងមន្ត្រីរាជការ អញ្ជេីញចូលរួមកិច្ចប្រជុំសាមញ្ញលើកទី២២ អាណត្តិទី៤ របស់ក្រុមប្រឹក្សាក្រុងកំពង់ចាម ក្រោមអធិបតីភាពលោក នាង ឈុនហ៊ាង ប្រធានក្រុមប្រឹក្សាក្រុង

របៀបវារៈអង្គប្រជុំ

១.មតិបើកអង្គប្រជុំ

២.ត្រួតពិនិត្យ កូរ៉ូមប្រជុំ

៣.ពិនិត្យ និងអនុម័ត លើសេចក្តីព្រាងរបៀបវារៈនៃកិច្ចប្រជុំ

៤.ពិនិត្យ និងអនុម័តកំណត់ហេតុនៃកិច្ចប្រជុំសាមញ្ញលើកទី២១ អាណត្តិទី៤របស់ ក្រុមប្រឹក្សាក្រុងកំពង់ចាម

៥.ពិនិត្យ និងអនុម័តគម្រោងផែនការការជ្រើសរើសក្របខណ្ឌមន្ត្រីរាជការ និងមន្ត្រីជាប់កិច្ចសន្យា សម្រាប់ឆ្នាំ២០២៧

៦.ពិនិត្យ និងអនុម័ត តារាងបែងចែកប្រាក់វង្វាន់លើកទឹកចិត្តសម្រាប់មន្ត្រីរដ្ឋបាលក្រុងកំពង់ចាម

៧.ពិនិត្យ និងអនុម័តរបាយការណ៍ប្រចាំខែមករា ឆ្នាំ២០២៦ និងទិសដៅអនុវត្តបន្ត របស់រដ្ឋបាលក្រុងកំពង់ចាម

៨.មតិចូលរួមរបស់គណៈអភិបាល

៩.បញ្ហាផ្សេងៗ

១០មតិបិទអង្គប្រជុំ

សាលប្រជុំធំ សាលាក្រុងកំពង់ចាម

០៣ មីនា ២០២៦

https://cms.krongkampongcham.gov.kh/uploads/topics/17719430699305.jpg

ព័ត៌មាននៅថ្នាក់ក្រុង

២០

កិច្ចប្រជុំក្រុមការងារដឹកនាំ ជំរុញ និងអនុវត្តន៍ការផ្តល់ឯកសារអត្តសញ្ញាណប័ណ្ណសញ្ជាតិខ្មែរ និងឯកសារអត្តសញ្ញាណផ្សេងៗទៀតជូនប្រជាពលរដ្ឋខ្មែរទូទៅនិងប្រជាពលរដ្ឋខ្មែរដែលទេីបវិលត្រឡប់ពីប្រទេសថៃក្នុង

ព្រឹកថ្ងៃទី២៤ ខែកុម្ភៈ ឆ្នាំ២០២៦

--------====-------

(ក្រុងកំពង់ចាម)

លោក ខា វល័ក្ខ អភិបាលរងនៃគណៈអភិបាលក្រុងកំពង់ចាម និងជាប្រធានក្រុមការងារ បានដឹកនាំកិច្ចប្រជុំ ជំរុញ និងអនុវត្តន៍ការផ្តល់ឯកសារអត្តសញ្ញាណប័ណ្ណសញ្ជាតិខ្មែរ និងឯកសារអត្តសញ្ញាណផ្សេងៗទៀតជូនប្រជាពលរដ្ឋខ្មែរទូទៅ និងប្រជាពលរដ្ឋខ្មែរដែលទេីបវិលត្រឡប់ពីប្រទេសថៃក្នុងក្រុងកំពង់ចាម។

កិច្ចប្រជុំនេះផងដែរ មានការអញ្ជេីញចូលរួមពីលោក នាយករងរដ្ឋបាល អធិការដ្ឋាននគរបាលក្រុង ប្រធានការិយាល័យពាក់ព័ន្ធ លោក លោកស្រី ចៅសង្កាត់ លោក លោកស្រី ស្មៀនសង្កាត់ និងលោក លោកស្រី មេភូមិគ្រប់ភូមិ និងមន្ត្រីពាក់ព័ន្ធ។

(សាលប្រជុំធំ សាលាក្រុងកំពង់ចាម)

២៤ កុម្ភៈ ២០២៦

https://cms.krongkampongcham.gov.kh/uploads/topics/17719425829918.jpg

ព័ត៌មានថ្នាក់ខេត្ដ

២៣

ទិវាជាតិបង្ការ និងពន្លត់អគ្គីភ័យ ២២ កុម្ភៈ លើកទី៧

នៅព្រឹកថ្ងៃអង្គារ ៨កើត ខែផល្គុន ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៤ ខែកុម្ភៈ ឆ្នាំ២០២៦

---------===----------

លោក លី សុវណ្ណ អភិបាលនៃគណៈអភិបាលក្រុងកំពង់ចាមអញ្ជេីញចូលរួមក្នុងពិធីទិវាជាតិ បង្ការ និងពន្លត់អគ្គីភ័យ ២២ កុម្ភៈ លើកទី៧ ក្រោមអធិបតីភាពឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និង ឯកឧត្តម ខ្លូត ផន ប្រធានក្រុមប្រឹក្សាខេត្ត។

ក្នុងឱកាសនោះ ឯកឧត្តម អ៊ុន ចាន់ដា អភិបាលខេត្តកំពង់ចាម បានស្នើសុំដល់ អធិការដ្ឋាននគរបាលខេត្ត អធិការនគរបាលស្រុក នៅពេលចុះពន្លត់អគ្គីភ័យជូនប្រជាពលរដ្ឋ សុំចែកជាពីរក្រុម ដើម្បីអន្តរាគមន៍ជួយសង្រ្គោះ អាយុជីវិតទាន់ពេលវេលា និងការពារ ទ្រព្យសម្បត្តិរបស់ប្រជាពលរដ្ឋ។

ឯកឧត្តមអភិបាលខេត្ត ក៏បានណែនាំដល់ ស្នងការរដ្ឋាននគរបាលខេត្ត រៀបចំ បែងចែកដល់ក្រុមពន្លត់អគ្គីភ័យ នៅពេលចុះអន្តរាគមន៍ ចុះជួយពន្លត់អគ្គីភ័យ ត្រូវចែកជាពីរក្រុម ក្រុមទី១ ក្រុមពន្លត់អគ្គីភ័យ មានភារកិច្ច បាញ់ទឹកពន្លត់ភ្លើងឆេះផ្ទះ ជូនប្រជាពលរដ្ឋ ឲ្យបានទាន់ពេលវេលា សំខាន់ឬជួយសង្គ្រោះអាយុជីវិតរបស់ប្រជាពលរដ្ឋឲ្យបានជាដាច់ខាត។

ដោយឡែកការរៀបចំ បែងចែក នៅតាមអធិការរដ្ឋាននគរបាល ក្រុង-ស្រុក ក្រុមទី២ គឺជា ក្រុមចាំប្រមូលរបស់របប ទ្រព្យសម្បត្តិ វត្ថុមានតំលៃ យកមករក្សាទុក ការពារយ៉ាងតឹងរឹង ឲ្យមានសុវត្ថិភាពខ្ពស់បំផុត ដើម្បីក្រោយពេលពន្លត់ភ្លើងឆេះ រួចរាល់ យកមកប្រគល់ជូនម្ចាស់ផ្ទះ ម្ចាស់ទ្រព្យសម្បត្ដិរបស់គាត់វិញ ព្រោះកាលណាមានគ្រោះអគ្គីភ័យហើយ ប្រៀបដូចជា អ្វីៗគ្រប់យ៉ាងក៏អស់ តាមអណ្តាតភ្លើង ដូច្នេះសុំឲ្យក្រុមពន្លត់អគ្គិភ័យ មានភាពស្មោះត្រង់ មានការទទួលខុសត្រូវ ធ្វើខ្លួនជាប៉ូលីសល្អ គំរូល្អ សម្រាប់ប្រជាពលរដ្ឋត្រូវការពេលមានអាសន្នកើតឡើង៕

២៤ កុម្ភៈ ២០២៦

https://cms.krongkampongcham.gov.kh/uploads/topics/17719419982612.jpg

ព័ត៌មានថ្នាក់ខេត្ដ

២០

ពិធីសម្ពោធអាគារសិក្សាថ្មី និងចែកសញ្ញាបត្រ បរិញ្ញាបត្រ/បរិញ្ញាបត្រជាន់ខ្ពស់ ចំនួន៤១៣ អង្គ/នាក់ នៃពុទ្ធិកសាកលវិទ្យាល័យ សម្ដេចអគ្គមហាសេនាបតីតេជោ ហ៊ុន សែន

នាថ្ងៃទី២៣ ខែកុម្ភៈ ឆ្នាំ២០២៦

---------====---------

ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និង ឯកឧត្តម ខ្លូត ផន ប្រធានក្រុមប្រឹក្សាខេត្ត បានអញ្ជើញចូលរួម ពិធីសម្ពោធអាគារសិក្សាថ្មី ចំនួនមួយខ្នង និងចែកសញ្ញាបត្រ បរិញ្ញាបត្រ/បរិញ្ញាបត្រជាន់ខ្ពស់ ចំនួន៤១៣ អង្គ/នាក់ នៃពុទ្ធិកសាកលវិទ្យាល័យ សម្ដេចអគ្គមហាសេនាបតីតេជោ ហ៊ុន សែន ក្រោមអធិបតីភាព ឯកឧត្តមសន្តិបណ្ឌិត នេត សាវឿន តំណាងដ៏ខ្ពង់ខ្ពស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ស្ថិតនៅក្នុងក្រុងកំពង់ចាម ខេត្តកំពង់ចាម។

បើតាមព្រះអង្គ សោមវេទីបណ្ឌិត អ៉ឹម សុភក្តិ ព្រះសាកលវិទ្យាធិការពុទ្ធិកៈសាកលវិទ្យាល័យ សម្ដេចអគ្គមហាសេនាបតីតេជោ ហ៊ុន សែន បានឱ្យដឹងថា ក្នុងឆ្នាំសិក្សា២០២៥-២០២៦ នេះ ពុទ្ធិកសាកលវិទ្យាល័យមាន សមណនិស្សិត-និស្សិត កំពុងសិក្សាសរុបចំនួន ១,៤៣២អង្គ/នាក់ ដោយឡែកសមណនិស្សិត-និស្សិត ដែលត្រូវទទួលសញ្ញាបត្រនាពេលនេះ មានចំនួន ៤១៣រូប ក្នុងនោះសមណនិស្សិត-និស្សិតថ្នាក់បរិញ្ញាបត្រ ៣ជំនាន់ មានចំនួន ៣៤៨រូប (ព្រះសង្ឃ ៣១អង្គ, ស្រី ២១៥នាក់) និងថ្នាក់បរិញ្ញាបត្រជាន់ខ្ពស់ ៣ជំនាន់ សរុប ៦៥រូប (ព្រះសង្ឃ ៧អង្គ, ស្រី ១៩នាក់)។

ព្រះអង្គបានបញ្ជាក់ថា កន្លងមក ពុទ្ធិកសាកលវិទ្យាល័យសម្តេអគ្គមហាសេនាបតីតេជោ ហ៊ុន សែន បានប្រគល់សញ្ញាបត្របរិញ្ញាបត្រចំនួន២លើករួចហើយ ដែលមានចំនួនសរុប ៣០៣៤រូប ក្នុងនោះអ្នកដែលបានចូលបម្រើការងាររដ្ឋ និងឯកជនមានប្រមាណ៩៥%។

ក្នុងឱកាសនោះដែរ ឯកឧត្តមសន្តិបណ្ឌិត នេត សាវឿន បានមានប្រសាសន៍ផ្ដាំផ្ញើដល់សមណៈនិស្សិត និងនិស្សិត ដែលទទួលបានសញ្ញាបត្រ សូមប្រើប្រាស់ចំណេះដឹង ដើម្បីចូលរួមចំណែកក្នុងការអភិវឌ្ឍន៍សង្គមជាតិ និងបន្តចែករំលែកចំណេះដឹង អប់រំ ដល់យុវជន បន្តវេនជំនាន់ក្រោយ បន្តគោរពប្រតិបត្តិខ្ជាប់ខ្ជួនធម៌វិន័យ គោលការណ៍ព្រះពុទ្ធសាសនា ពិនិត្យលទ្ធភាពបន្តការសិក្សាបន្ថែមទៀត ឱ្យស្របជាមួយគោលការណ៍របស់ក្រសួងអប់រំ គឺរៀនមួយជីវិត ។ ជាមួយគ្នានេះសូមឱ្យផ្នែកខាងពុទ្ធិកសាកលវិទ្យាល័យ សូមបន្តបេសកកម្មវិស័យអប់រំ បន្តរួមចំណែកកសាងធនធានមនុស្ស និងសុំស្នើព្រះសង្ឃជួយទេសនាអប់រំ ។

ឯកឧត្តមសន្តិបណ្ឌិត បានមានប្រសាសន៍បន្ថែមថា អាគារសិក្សាថ្មី នៃពុទ្ធិកសាកលវិទ្យាល័យនេះ បានកើតឡើងដោយសារ ការរួមគ្នានៃការបរិច្ចាគ កើតចេញពីការទទួលខុសត្រូវ ទើបធ្វើឲ្យមានសំណង់ថ្មីដែលត្រូវសម្ពោធដាក់ឲ្យប្រើប្រាស់ជាផ្លូវការដូចថ្ងៃនេះ។ ដូច្នេះសូមឱ្យខាងពុទ្ធិកសាកលវិទ្យាល័យមេត្តាដឹកនាំឲ្យដំណើរការបានល្អបន្តទៀត ។ ទន្ទឹមនឹងនេះ ដូចជាក្នុងពិធីបុណ្យផ្សេងៗ សូមឲ្យព្រះសង្ឃជួយខាងទេសនាអប់រំផ្ដល់ឱវាទដល់ពុទ្ធបរិស័ទ ជាពិសេសយុវជន ឱ្យដើរលើផ្លូវល្អ ដើម្បីរួមចំណែកជួយដល់សង្គមជាតិរបស់យើង៕

២៤ កុម្ភៈ ២០២៦

https://cms.krongkampongcham.gov.kh/uploads/topics/17718599781189.jpg

ព័ត៌មាននៅថ្នាក់ក្រុង

១៩

លោក លី សុវណ្ណ អភិបាលនៃគណៈអភិបាលក្រុងកំពង់ចាម អញ្ជេីញចូលរួមសន្និបាតបូកសរុបសកម្មភាព និងលទ្ធផលការងារចុះមូលដ្ឋានប្រចាំឆ្នាំ២០២៥ និងលើកទិសដៅការងារបន្តឆ្នាំ២០២៦ របស់ក្រុមការងាររាជរដ្ឋាភិបាលចុ

នារសៀលថ្ងៃទី២៣ ខែកុម្ភៈ ឆ្នាំ២០២៦

-------=====--------

លោក លី សុវណ្ណ អភិបាលនៃគណៈអភិបាលក្រុងកំពង់ចាមអញ្ជេីញចូលរួមសន្និបាតបូកសរុបសកម្មភាព និងលទ្ធផលការងារចុះមូលដ្ឋានប្រចាំឆ្នាំ២០២៥ និងលើកទិសដៅការងារបន្តឆ្នាំ២០២៦ របស់ក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម។ ក្រោមអធិបតីភាពដ៏ខ្ពង់ខ្ពស់ឯកឧត្តមសន្តិបណ្ឌិត នេត សាវឿន នាយករដ្ឋមន្ត្រីស្ដីទី ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម។

ឯកឧត្តម អ៊ុន ចាន់ដា ថ្លែងថា ក្នុងឆ្នាំកន្លងមកនេះ រដ្ឋបាលខេត្តបានយក ចិត្តទុកដាក់ក្នុងការជំរុញអនុវត្តការផ្តល់សេវាសាធារណៈល្អ ដោយបានអនុវត្តកិច្ចការសំខាន់ៗ ចំនួន ៤ គឺ ៖

ទី១.ពង្រឹងការអនុវត្តការផ្តល់សេវាតាមច្រកចេញចូលតែមួយ ដែលរដ្ឋបាលគ្រប់ ថ្នាក់បានបង្កើតរួចរាល់។ យន្តការនេះ គឺបានប្រមូលផ្តុំសេវាឲ្យនៅកន្លែងតែមួយ បានផ្តល់ភាព ងាយស្រួលដល់ប្រជាពលរដ្ឋក្នុងការមកស្នើសុំ និងទទួលសេវាពីរដ្ឋ។

ទី២.ការធ្វើទំនើបកម្មការផ្តល់សេវាសាធារណៈ ដោយបានអភិវឌ្ឍកម្មវិធីបច្ចេកវិទ្យាព័ត៌មាន ដើម្បី ធ្វើការគ្រប់គ្រង និងផ្តល់សេវា អនុញ្ញាតឲ្យមានការស្នើសុំសេវាអនឡាញ, ការផ្តល់ជម្រើសក្នុងការ ទូទាត់ថ្លៃសេវាតាមប្រព័ន្ធធនាគារ, រក្សាទិន្នន័យនៃការស្នើសុំលើកទីមួយ ក្នុងប្រព័ន្ធបច្ចេកវិទ្យា ព័ត៌មាន ដើម្បីផ្តល់ភាពងាយស្រួលដល់ការស្នើសុំសេវាលើកទី២ និងលើកបន្តបន្ទាប់ផងដែរ។

ទី៣.ការជំរុញចលនាប្រឡងប្រណាំង ដើម្បីជំរុញការផ្តល់សេវាល្អ ដែលតាមរយៈចលនានេះ ធ្វើឲ្យអង្គភាពផ្តល់សេវាគ្រប់លំដាប់ថ្នាក់ ខិតខំក្នុងការរៀបចំខ្លួនឲ្យក្លាយជាអ្នកផ្តល់សេវាឆ្នើមទទួលបានការពេញចិត្តពីអ្នកប្រើប្រាស់សេវា។ ជាលទ្ធផលក្នុងឆ្នាំ២០២៥នេះ អង្គភាពផ្តល់សេវាចំនួន អង្គភាព ៣ នៃខេត្តកំពង់ចាម ទទួលបានជ័យលាភីលេខ១ ជាអង្គភាពផ្តល់សេវាឆ្នើម នៃការប្រឡងប្រណាំង ថ្នាក់ជាតិ រួមមាន៖ មន្ទីរពេទ្យខេត្តកំពង់ចាម, ការិយាល័យប្រជាពលរដ្ឋខេត្ត និងអង្គភាព ច្រកចេញចូលតែមួយខេត្ត។

ទី៤.ធ្វើការពង្រឹងសមត្ថភាពមន្ត្រីផ្តល់សេវា និងពង្រឹងការផ្សព្វផ្សាយជូនប្រជាពលរដ្ឋ ឲ្យបានយល់ដឹងពីការស្នើសុំសេវា។

សាលសន្និសិទ សាលាខេត្តកំពង់ចាម

២៣ កុម្ភៈ ២០២៦

https://cms.krongkampongcham.gov.kh/uploads/topics/17718594013984.jpg

ព័ត៌មានថ្នាក់ខេត្ដ

១៨

ភាពការងារសាងសង់ប្រព័ន្ធលូ និងស្ថានីយប្រព្រឹត្តកម្មទឹកកខ្វក់ ក្នុងក្រុងកំពង់ចាម ដែលសម្រេចបានប្រមាណ83%

នាថ្ងៃទី ៩ ខែកុម្ភៈ ឆ្នាំ២០២៦

--------===-------

ឯកឧត្តមអភិបាលនៃគណៈអភិបាលខេត្តកំពង់ចាម ឯកឧត្តម អ៊ុន ចាន់ដា បានដឹកនាំមន្ទីរសាធារណការ និងដឹកជញ្ជូន មន្រ្តីបច្ចេកទេស និងអាជ្ញាធរមូលដ្ឋាន អញ្ជើញចុះពិនិត្យវឌ្ឍនភាពការងារសាងសង់ប្រព័ន្ធលូ និងស្ថានីយប្រព្រឹត្តកម្មទឹកកខ្វក់ ក្នុងក្រុងកំពង់ចាម ដែលសម្រេចបានប្រមាណ83% ក្រោមវត្តមានអញ្ជើញចូលរួមពីឯកឧត្តម ខ្លូត ផន ប្រធានក្រុមប្រឹក្សាខេត្តកំពង់ចាម។ នេះបើតាមការឲ្យដឹងពីលោក ជុំ លីនដា ប្រធានវិស្វករនៃក្រុមហ៊ុន ប៉ៃជីងអឺប៊េនខន់ស្ត្រាក់សិនគ្រុបខូអិលធីឌី Beijing Urban Constructions Group .Co,.TD បានបញ្ជាក់ជូន ឯកឧត្តមអភិបាលខេត្ត ថា គម្រោងដែលបានអនុវត្តរួចរាល់ នឹងកំពុងបន្ត រួមមានៈ

1-ការងារប្រព័ន្ធរំដោះទឹកភ្លៀងក្នុងក្រុង

2-ការងារស្ថានីយបូមរំដោះទឹកភ្លៀង ទឹកជំនន់ក្នុងក្រុង

3-ការងារសាងសង់ស្ថានីយបូម បឋមទី1 ទី2 និងស្ថានីយមេ

4-ការសាងសង់ស្ថានីយប្រព្រឹត្តកម្មទឹកកខ្វក់

5-ការងារដំឡើងបំពង់ទុយោទឹកស្អុយទាំងបីប្រភេទ

6-ការងារជួសជុលផ្លូវកៅស៊ូ AC។

ឯកឧត្តម អ៊ុន ចាន់ដា អភិបាលខេត្តកំពង់ចាម, ឯកឧត្តម ប្រធានក្រុមប្រឹក្សាខេត្ត រួមនិងមន្ត្រីជំនាញ មានការរំពងទុកថា នៅពេលគម្រោងខាងលើបានបញ្ចប់ជាស្ថាពរនោះ ក្រុងកំពង់ចាម នឹងមិនមានការលេចលង់ ដោយសារកត្តាលទឹកភ្លៀងទៀតនោះទេ។ ក្រៅពីនោះ ទឹកកខ្វក់ នៅក្នុងក្រុងកំពង់ចាម ទាំងមូល ក៏ត្រូវបានគ្រប់គ្រង ដោយមិនឲ្យហូរពាសវាលពាសកាលចូលទៅចូលក្នុងទន្លេទៀតដែរ ពោលគឺ ត្រូវហូរចូលទៅក្នុងអាងប្រព្រឹត្តកម្ម ជាមុនសិន មុននឹងបង្ហូរទៅកាន់ប្រភពទឹកធម្មជាតិ។

ក្នុងនាមរដ្ឋបាលខេត្តកំពង់ចាម ឯកឧត្តម អ៊ុន ចាន់ដា សូមថ្លៃងអំណរគុណដល់បងប្អូនប្រជាពលរដ្ឋ ដែលមានការយោគយល់ នូវផលប៉ះពាល់ខ្លះពីការអភិវឌ្ឍនេះ ហើយឯកឧត្តម សង្ឃឹមជឿជាក់ថានៅប៉ុន្មានខែខាងមុខនេះ ក្រុងរបស់យើងនឹងប្រែមុខមាត់ថ្មី ជាទីក្រុងសុីវីល័យ ក្រុងវ័យឆ្លាត នាសម័យតេជោ-ធិបតី។

គួរបញ្ជាក់ថា គម្រោងសាងសង់ប្រព័ន្ធលូ និងស្ថានីយប្រព្រឹត្តកម្មទឹកកខ្វក់ ក្រុងកំពង់ចាម ជាគម្រោងអភិវឌ្ឍន៍ក្រុងរបៀង មហាអនុតំបន់ទន្លេមគង្គជំហានទី៤ អនុវត្តដោយក្រសួងសាធារណការ និងដឹកជញ្ជូន ក្រោមកម្ចី ក្រោមកម្ចីហិរញ្ញប្បទានសម្បទាន របស់ធនាគារអភិវឌ្ឍអាស៊ី ADB អនុវតត្តដោយក្រុមហ៊ុន ប៉េកាំង អឺបឺន ខនស្ត្រាក់សិនគ្រុប ខូអិលធីឌី Beijing Urban Constructions Group .Co,LTD ដែលមានទំហំទឹកប្រាក់ក្នុងកិច្ចសន្យាប្រមាណជាង ២២លានដុល្លារអាមេរិក ដោយផ្អែកតាមកិច្ចសន្យា គម្រោងនេះ អនុវត្តការសាងសង់ រយៈពេល ៣៦ខែ ឬបីឆ្នាំ ដោយចាប់អនុវត្តពីខែធ្នូ ឆ្នាំ២០២២ រហូតដល់បំណាច់ខែ ឧសភា ២០២៦៕

២៣ កុម្ភៈ ២០២៦

https://cms.krongkampongcham.gov.kh/uploads/topics/17718588123668.jpg

ព័ត៌មានថ្នាក់ខេត្ដ

២០

រដង្ហែក្បួនអបអរសាទរស្នាដៃ និងសមិទ្ធផលការងាររបស់មន្ទីរអប់រំ យុវជន និងកីឡាខេត្តកំពង់ចាម ដែលទទួលបានពានរង្វាន់ជ័យលាភីសាលារៀនគំរូចំនួន២៣ ពានរង្វាន់

នាថ្ងៃទី២២ ខែកុម្ភៈ ឆ្នាំ២០២៦

------======------

ឯកឧត្តម ឃន ប្រុស អភិបាលរងខេត្ត តំណាងដ៏ខ្ពង់ខ្ពស់ឯកឧត្តម អ៊ុន ចាន់ថា អភិបាល នៃគណៈអភិបាលខេត្តកំពង់ចាម បានអញ្ជើញចូលរួមជាអធិបតីក្នុងកម្មវិធីការដង្ហែក្បួនអបអរសាទរស្នាដៃ និងសមិទ្ធផលការងាររបស់មន្ទីរអប់រំ យុវជន និងកីឡាខេត្តកំពង់ចាម ដែលទទួលបានពានរង្វាន់ជ័យលាភីសាលារៀនគំរូចំនួន២៣ ពានរង្វាន់ និងពានរង្វាន់បាល់ទាត់សម្ដេចអគ្គមហាសេនាបតីតេជោ ហ៊ុន សែន CUP ជ័យលាភីលេខ១ និងពានរង្វាន់ប្រធានមន្ទីរគំរូ នាយកល្អ គ្រូបង្រៀនល្អ និងសាលាស្អាត ឆ្នាំសិក្សា២០២៥-២០២៦ ដែលប្រព្រឹត្តិទៅនៅ ក្រុងកំពង់ចាម។

២៣ កុម្ភៈ ២០២៦

https://cms.krongkampongcham.gov.kh/uploads/topics/17708235353686.jpg

ព័ត៌មាននៅថ្នាក់ក្រុង

៣០

លោក រី ដាវិន អភិបាលរង ដឹកនាំក្រុមការងារ ចុះវាស់វែងដីចំណីផ្លូវនៅបណ្តោយមាត់ទន្លេ និងណែនាំឱ្យប្រជាពលរដ្ឋចូលរួមសហការជាមួយអាជ្ញាធរ

នាព្រឹកថ្ងៃទី១១ ខែកុម្ភៈ ឆ្នាំ២០២៦

ក្រុងកំពង់ចាម

ក្រោមការចង្អុលបង្ហាញពី លោក លី សុវណ្ណ អភិបាលនៃគណៈអភិបាលក្រុងកំពង់ចាម លោក រី ដាវិន អភិបាលរងដឹកនាំក្រុមការងារ ចុះវាស់វែងដីចំណីផ្លូវនៅបណ្តោយមាត់ទន្លេ និងណែនាំឱ្យប្រជាពលរដ្ឋចូលរួមសហការជាមួយអាជ្ញាធរដេីម្បីរួមចំណែកឱ្យទីក្រុងរបស់យេីងមានសោភ័ណភាពនិងគួរជាទីទាក់ទាញភ្ញៀវជាតិ អន្តរជាតិមកទេសចរណ៍ក្នុងក្រុងកាន់តែច្រេីនឡេីងថែមទៀត។

១១ កុម្ភៈ ២០២៦

«១ ២ ៣ ៤ ...៧ »

ព័ត៌មានផ្សេងទៀត

ព័ត៌មានថ្នាក់ខេត្ដ ព័ត៌មានកីឡា ព័ត៌មានសុខភាព ព័ត៌មានកម្សាន្ត ព័ត៌មានបច្ចេកវិទ្យា ព័ត៌មានចំណេះដឹង ព័ត៌មានសិល្បៈ ព័ត៌មាននៅថ្នាក់ក្រុង ព័ត៏មានតាមសង្កាត់

ព័ត៌មានទូទៅ

ផ្កាចំរុះព័ណ៌នៅច្រាំងទន្លេ និងបង្ហាញសម្រស់ក្នុងពេលឆាប់ៗនេះ

អភិបាលរងខេត្តកំពង់ចាម ប្រជុំត្រៀមរៀបចំតាំងពិព័រណ៍ភូមិ១ ផលិតផល១ នាឱកាសពិធីបុណ្យចូលឆ្នាំខ្មែរ ឆ្នាំ២០២៦

ទិវាជាតិបង្ការ និងពន្លត់អគ្គីភ័យ ២២ កុម្ភៈ លើកទី៧

ភាពការងារសាងសង់ប្រព័ន្ធលូ និងស្ថានីយប្រព្រឹត្តកម្មទឹកកខ្វក់ ក្នុងក្រុងកំពង់ចាម ដែលសម្រេចបានប្រមាណ83%

ព័ត៌មានផ្សេងទៀត

តំណភ្ជាប់សំខាន់ៗ

សេវារដ្ឋបាល