ព័ត៌មានទូទៅ

https://cms.krongkampongcham.gov.kh/uploads/topics/17708231736201.jpg

ព័ត៌មានថ្នាក់ខេត្ដ

២២

អភិបាលខេត្តកំពង់ចាម អញ្ជើញចុះពិនិត្យការដាក់ភ្លើងស្តុបចរាចរណ៍ នៅចំណុចផ្លូវប្រសព្វសាលាទួលថ្ម និងពិនិត្យទីតាំងការរៀបចំដាក់បង្គោលភ្លើងបំភ្លឺសាធារណៈ

នារាត្រីថ្ងៃទី១០ ខែកុម្ភៈ ឆ្នាំ២០២៦

កំពង់ចាម

ឯកឧត្ដម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំក្រុមការងារ អញ្ជើញចុះពិនិត្យការដាក់ភ្លើងស្តុបចរាចរណ៍ នៅចំណុចផ្លូវប្រសព្វសាលាទួលថ្ម និងពិនិត្យទីតាំងការរៀបចំដាក់បង្គោលភ្លើងបំភ្លឺសាធារណៈ ដើម្បីសម្រួលដល់ការធ្វើដំណើរ ការកាត់បន្ថយគ្រោះថ្នាក់ចរាចរណ៍ និងបង្កើនសោភ័ណភាពក្រុងឲ្យកាន់តែមានភាពស្រស់បំព្រង ស្ថិតក្នុងសង្កាត់វាលវង់ ក្រុងកំពង់ចាម។

នាឱកាសនោះ ឯកឧត្តម អ៊ុន ចាន់ដា អភិបាលខេត្តកំពង់ចាម បានសាទរចំពោះសមិទ្ធផលថ្មីៗ ដែលបានរីកដុះដាលជាបន្តបន្ទាប់ ប្រែមុខមាត់ក្រុងឲ្យកាន់តែមានភាពស្រស់បំព្រង។ ឯកឧត្តម អភិបាលខេត្ត បានជំរុញឲ្យអាជ្ញាធរ និងអ្នកពាក់ព័ន្ធទាំងអស់ សូមចូលរួមថែរក្សានូវសមិទ្ធផលដ៏ថ្លៃថ្លារបស់រាជរដ្ឋាភិបាល ដើម្បីជាប្រយោជន៍សាធារណៈ ដើម្បីប្រើប្រាស់គង់វង្សយូរអង្វែង។ គួរបញ្ជាក់ថា ក្រុងកំពង់ចាម នៅឆ្នាំ២០២៦ នេះ ទទួលបានជ័យលាភី "ជាទីក្រុងស្អាតអាស៊ាន" និង ទទួលបានជ័យលាភី ២អាណត្តិជាប់គ្នា ជា"ទីក្រុងស្អាតរំដួល ៣ទង" ៕

១១ កុម្ភៈ ២០២៦

https://cms.krongkampongcham.gov.kh/uploads/topics/17708226937895.jpg

ព័ត៌មាននៅថ្នាក់ក្រុង

២៣

លោក ស្លេះ អុីសា អភិបាលរង បានសហការជាមួយកម្លាំងនគរបាលនៃស្នងការដ្ឋាននគរបាលខេត្តកំពង់ចាម បានចុះដឹកនាំកម្លាំងសង្កាត់កំពង់ចាម បន្តរៀបចំសោភ័ណភាព និងសណ្ដាប់ធ្នាប់ក្រុងកំពង់ចាម

នាព្រឹកថ្ងៃទី ១០ ខែកុម្ភៈ ឆ្នាំ២០២៦

ក្រុងកំពង់ចាម

លោក ស្លេះ អុីសា អភិបាលរងបានសហការជាមួយកម្លាំងនគរបាលនៃស្នងការដ្ឋាននគរបាលខេត្តកំពង់ចាមបានចុះដឹកនាំកម្លាំងសង្កាត់កំពង់ចាម បន្តរៀបចំសោភ័ណភាព និងសណ្ដាប់ធ្នាប់ក្រុងកំពង់ចាម។

១១ កុម្ភៈ ២០២៦

https://cms.krongkampongcham.gov.kh/uploads/topics/17708222872687.jpg

ព័ត៌មានថ្នាក់ខេត្ដ

២៤

អភិបាលខេត្តកំពង់ចាម អមដំណើរ រដ្ឋមន្ត្រីក្រសួងធនធានទឹក អអញ្ជើញចុះពិនិត្យលក្ខណៈបច្ចេកទេសដើម្បីទប់ស្កាត់ការបាក់ស្រុតច្រាំងទន្លេមេគង្គ ក្នុងក្រុងកំពង់ចាម

នាព្រឹកថ្ងៃទី១០ ខែកុម្ភៈ ឆ្នាំ២០២៦

កំពង់ចាម

ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំក្រុមការងារខេត្ត អមដំណើរ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម អញ្ជើញចុះពិនិត្យលក្ខណៈបច្ចេកទេស ក្នុងការទប់ស្កាត់បណ្ដោះអាសន្ន ចំពោះការបាក់ច្រាំងស្រុតទន្លេមេគង្គ ស្ថិតនៅក្នុងក្រុងកំពង់ចាម។

គួររំលឹកថា កាលពីវេលាម៉ោងប្រមាណ ១១យប់ ថ្ងៃទី៣០ ខែមករា ឆ្នាំ២០២៦ មានករណីបាក់ស្រុត ច្រាំងទន្លេ នៅចំណុចភូមិទី១៥ សង្កាត់កំពង់ចាម ក្រុងកំពង់ចាម ខេត្តកំពង់ចាម ដែលចំណុចបាក់ស្រុតនេះ បានបណ្តាលឱ្យផ្នែកខាងក្រោមបាក់ស្រុតសំណង់បេតុងទប់ច្រាំងទាំងស្រុង បណ្តោយប្រវែងប្រមាណ ៧០ម៉ែត្រ ទទឹង ៣២ម៉ែត្រ ផ្នែកខាងលើមានការប៉ះពាល់ដល់សំណង់សួនទាំងស្រុង រួមនិងផ្លូវកៅស៊ូមួយផ្នែកធំ ដែលមានបណ្តោយប្រវែងប្រមាណ ៧០ម៉ែត្រផងដែរ។ បើតាមការវាយតម្លៃបឋមរបស់មន្ត្រីជំនាញ មូលហេតុនៃការបាក់ស្រុតច្រាំងទន្លេនេះ គឺបណ្តាលមកពី៖ ម្យ៉ាងទីតាំងនោះ ស្ថិតនៅខាងមុខអន្លង់ទឹកកួច ដែលមានជម្រៅចាប់ពី ១.២ ម៉ែត្រ ទៅ ៦ម៉ែត្រ និង ម្យ៉ាងទៀត សំណង់ច្រាំងទន្លេត្រូវបានសាងសង់តាំងពីឆ្នាំ២០១២ ដែលមកដល់ពេលនេះបានតស៊ូការពារការបាក់ស្រុតច្រាំងទន្លេងជាង ១៤ឆ្នាំហើយ៕

១១ កុម្ភៈ ២០២៦

https://cms.krongkampongcham.gov.kh/uploads/topics/17708215339911.jpg

ព័ត៌មាននៅថ្នាក់ក្រុង

២៥

លោក លី សុវណ្ណ អភិបាលនៃគណៈអភិបាលក្រុងកំពង់ចាម ចុះសួរសុខទុក្ខ និងនាំយកជំនួយឧបត្ថម្ភជាថវិកា និងគ្រឿង ឧបភោគមួយចំនួនរបស់រដ្ឋបាលខេត្ត ផ្តល់ជូនវីរកងទ័ព

នារសៀលថ្ងៃទី៩ ខែមករា ឆ្នាំ២០២៦

ក្រុងកំពង់ចាម ៖

ឯកឧត្ដម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានចាត់លោក លី សុវណ្ណ អភិបាលនៃគណៈអភិបាលក្រុងកំពង់ចាម ចុះសួរសុខទុក្ខ និងនាំយកជំនួយឧបត្ថម្ភជាថវិកា និងគ្រឿងឧបភោគមួយចំនួនរបស់រដ្ឋបាលខេត្ត ផ្តល់ជូនវីរកងទ័ពដែលឈរជើងនៅទិសប្រសាទព្រះវិហារ ដែលកំពុងសម្រាកព្យាបាលជំងី ក្នុងមន្ទីពេទ្យខេត្តកំពង់ចាម។

លោក អភិបាលក្រុងកំពង់ចាម បានពាំនាំនូវការសាកសួសុខទុក្ខពីសំណាក់ ឯកឧត្ដម អភិបាលខេត្ត ដែលជានិច្ចកាល ឯកឧត្តមតែងតែគិតគូចំពោះសុខទុក្ខរបស់វីរកងទ័ព និងក្រុមគ្រួសារ គ្រប់ពេលវេលា និងគ្រប់កាលៈទេសៈ។ លោក អភិបាលក្រុង ក៏បានជូនពរអោយបានឆាប់ជាសះស្បើយពីជំងឺដើម្បីវិលត្រឡប់ទៅអង្គភាពវិញ ដើម្បីបំពេញកាតព្វកិច្ចការពារបូរណភាពទឹកដី។

១១ កុម្ភៈ ២០២៦

https://cms.krongkampongcham.gov.kh/uploads/topics/17703920058545.jpg

ព័ត៌មាននៅថ្នាក់ក្រុង

៣២

កិច្ចប្រជុំ ស្តីពីផែនការប្រេីប្រាស់ដី និងការកំណត់ចំណីផ្លូវ ព្រមទាំងការរៀបចំសោភ័ណភាពក្នុងក្រុងកំពង់ចាម

រសៀលថ្ងៃទី៦ ខែកុម្ភៈ ឆ្នាំ២០២៦

------====------

ក្រុងកំពង់ចាម ៖

លោក លី សុវណ្ណ អភិបាលនៃគណៈអភិបាលក្រុងកំពង់ចាម បានដឹកនាំកិច្ចប្រជុំ ស្តីពីផែនការប្រេីប្រាស់ដី និងការកំណត់ចំណីផ្លូវ ព្រមទាំងការរៀបចំសោភ័ណភាពក្នុងក្រុងកំពង់ចាម។

ក្នុងនោះផងដែរ មានការអញ្ជេីញចូលរួមពីលោក លោកស្រី អភិបាលរង លោក លោកស្រី នាយក នាយករងរដ្ឋបាលក្រុង ប្រធានការិយាល័យពាក់ព័ន្ធ កងកម្លាំងប្រដាប់អាវុធ ប៉ុស្តិ៍នគរបាលទាំងបួន ចៅសង្កាត់ទាំងបួន មេភូមិទាំង៣៤ភូមិ និងមន្ត្រីជំនាញ។

------====------

សាលប្រជុំធំ សាលាក្រុងកំពង់ចាម

០៦ កុម្ភៈ ២០២៦

https://cms.krongkampongcham.gov.kh/uploads/topics/17703915569668.jpg

ព័ត៌មាននៅថ្នាក់ក្រុង

១៨

កិច្ចប្រជុំសាមញ្ញលើកទី២១ អាណត្តិទី៤ របស់ក្រុមប្រឹក្សាក្រុងកំពង់ចាម

នាព្រឹក ថ្ងៃទី៤ ខែកុម្ភៈ ឆ្នាំ២០២៦

ក្រុងកំពង់ចាម៖

រដ្ឋបាលក្រុងកំពង់ចាម បានបើកកិច្ចប្រជុំសាមញ្ញលើកទី២១ អាណត្តិទី៤ របស់ក្រុមប្រឹក្សាក្រុងកំពង់ចាម ក្រោមអធិបតីភាពលោកស្រី ឈិត ណារី សមាជិកក្រុមប្រឹក្សាក្រុង តំណាងលោក នាង ឈុនហ៊ាង ប្រធានក្រុមប្រឹក្សាក្រុងកំពង់ចាម និងលោកស្រី រិន ធារ៉ា អភិបាលរងក្រុងកំពង់ចាម តំណាងលោក លី សុវណ្ណ អភិបាល នៃគណៈអភិបាលក្រុកំពង់ចាម។

ក្នុងនោះដែរ មានការអញ្ជើញចូលរួមពីលោក លោកស្រី សមាជិកក្រុមប្រឹក្សា គណៈអភិ បាល លោក លោកស្រី នាយក នាយករងរដ្ឋបាល លោក លោកស្រី ប្រធានអង្គភាព ប្រធានការិយាល័យចំណុះរដ្ឋបាលក្រុងកំពង់ចាម កងកម្លាំងប្រដាប់អាវុធ ចៅសង្កាត់ទាំងបួន និងមន្ត្រីពាក់ព័ន្ធ។

របៀបវារៈកិច្ចប្រជុំ

១.មតិបើកអង្គប្រជុំ

២.ត្រួតពិនិត្យ និងកូរ៉ូមប្រជុំ

៣.ពិនិត្យ និងអនុម័ត លើសេចក្តីព្រាងរបៀបវារៈនៃកិច្ចប្រជុំ

៤.ពិនិត្យ និងអនុម័តកំណត់ហេតុនៃកិច្ចប្រជុំសាមញ្ញលើកទី២០ អាណត្តិទី៤ របស់ក្រុមប្រឹក្សាក្រុងកំពង់ចាម

៥.ពិនិត្យ និងអនុម័ត៖

-សេចក្តីសម្រេចស្តីពីការទូទាត់បិទបញ្ជីចំណូល ចំណាយថវិការបស់រដ្ឋបាលក្រុង ឆ្នាំ២០២៥

-សេចក្តីសម្រេចស្តីពីការទូទាត់បិទបញ្ជីចំណូល ចំណាយ ថវិការបស់មុខងារអប់រំ កុមារតូច ការអប់រំបឋមសិក្សា និងការអប់រំក្រៅប្រព័ន្ធនៃរដ្ឋបាលក្រុងកំពង់ចាម ឆ្នាំ២០២៥

៦.ពិនិត្យ និងអនុម័ត៖

-សេចក្តីសម្រេចស្តីពីកាបង្កើតគណៈកម្មការគ្រប់គ្រងគម្រោងសាងសង់ផ្លូវថ្មើជើង ពីបេតុង(១,៨៩៧ម គុណនឹង ១.៥០ម គុណនឹង ០.១៥ម) ស្ថិតនៅភូមិទី២ ទី៣ សង្កាត់វាលវង់ និងភូមិទី១០ ទី១២ និងទី១៣ សង្កាត់កំពង់ចាម ក្រុងកំពង់ចាម

-សេចក្តីសម្រេចស្តីពីការបង្កើតគណៈកម្មការគ្រប់គ្រងគម្រោងសាងសង់ផ្លូវ បេតុង (៦៥០ម គុណនឹង ៨ម គុណនឹង ០.១៥ម)ស្ថិតនៅភូមិតាណេង សង្កាត់សំបួរ មាស ក្រុងកំពង់ចាម

៧.ពិនិត្យ និងអនុម័ត តារាងបែងចែកប្រាក់រង្វាន់លើកទឹកចិត្តសម្រាប់មន្ត្រីរដ្ឋបាលក្រុង ប្រចាំខែមករា ឆ្នាំ២០២៦

៨.ពិនិត្យ និងអនុម័ត របាយការណ៍ប្រចាំខែមករា ឆ្នាំ២០២៦ និងទិសដៅខែបន្ទាប់របស់ រដ្ឋបាលក្រុងកំពង់ចាម

៩.មតិយោបល់ចូលរួមគណៈអភិបាលក្រុង

១០.បញ្ហាផ្សេងៗ

១១.មតិបិទអង្គប្រជុំ

------===-------

សាលប្រជុំធំ សាលាក្រុងកំពង់ចាម។

០៦ កុម្ភៈ ២០២៦

https://cms.krongkampongcham.gov.kh/uploads/topics/17703909582256.jpg

ព័ត៌មាននៅថ្នាក់ក្រុង

២១

ពានរង្វាន់ទីក្រុងទេសចរណ៍ស្អាតអាស៊ាន ASEAN TOURIST CLEAN CITY AWARD

ហ្វីលីពិន ថ្ងៃទី៣០ ខែមករា ឆ្នាំ២០២៦

------=====-----

អបអរសាទរ ក្រុងកំពង់ចាម ទទួលពានរង្វាន់ទីក្រុងទេសចរណ៍ស្អាតអាស៊ាន ASEAN TOURIST CLEAN CITY AWARD នៅទីក្រុងស៊ីប៊ូ ប្រទេសហ្វីលីពីន ។

០៦ កុម្ភៈ ២០២៦

https://cms.krongkampongcham.gov.kh/uploads/topics/17703904313596.jpg

ព័ត៌មាននៅថ្នាក់ក្រុង

១៩

កិច្ចប្រជុំផ្ទៀងផ្ទាត់ និងវាយតម្លៃ«ចលនាប្រឡងប្រណាំងទីក្រុងស្អាតលើកទី៤»បេក្ខភាព ក្រុងកំពង់ចាម

នារសៀលថ្ងៃទី២០ ខែមករា ឆ្នាំ២០១៦

ក្រុងកំពង់ចាម ៖

លោក គន់ សុភា អភិបាលរងនៃគណៈអភិបាលខេត្តកំពង់ចាម និងលោក សេង បូរមី ប្រធាននាយកដ្ឋានវាយតម្លៃទីក្រុងស្អាត និងជាប្រធានគណៈប្រតិភូក្រុម ការងារវាយតម្លៃទីក្រុងស្អាតថ្នាក់ជាតិ អញ្ជើញដឹកនាំកិច្ចប្រជុំផ្ទៀងផ្ទាត់ និងវាយតម្លៃ «ចលនាប្រឡង ប្រណាំងទីក្រុងស្អាតលើកទី៤» បេក្ខភាព ក្រុងកំពង់ចាម។

លោក គន់ សុភា អភិបាលរងខេត្ត បានបញ្ជាល់ថា ក្នុងការដាក់ពាក្យប្រឡងក្នុងចលនា ប្រឡងប្រណាំងទីក្រុងស្អាតលើកទី៤ ឆ្នាំ២០២៥នេះ សម្រាប់រដ្ឋបាលក្រុងកំពង់ចាម បានបំពេញទៅតាមសូចនាករគោលទាំង៧ សូចនាករលំអិត៤១ និងលក្ខណៈវិនិច្ឆ័យទាំង១១៣ (ស្មើ នឹង១២០ពិន្ទុ) គោលការណ៍ទាំងអស់នេះ គឺជាការណែនាំរបស់គណៈកម្មាធិការជាតិវាយតម្លៃទី ក្រុងស្អាត របស់ក្រសួងទេសចរណ៍។

លោក អភិបាលរងខេត្ត បានបន្តថា ចលនាប្រឡងប្រណាំងទីក្រុងស្អាតលើកទី៤នេះ ទោះបីជាក្រុងកំពង់ចាម មិនបានទទួលនូវជ័យលាភីផ្ការំដួល៣ទងក៏ដោយ ក្រុងកំពង់ចាមនៅតែបន្តកិច្ចខិតខំក្នុងការអនុវត្តការងារទីក្រុងស្អាត ដែលសុទ្ធតែជាការងារជាប្រក្រតីរបស់រដ្ឋបាលដែនដី ដូចជាការគ្រប់គ្រងសំណល់, ភាពស្អាត, ភាពទាក់ទាញផ្នែកទេសចរណ៍,ហេដ្ឋារចនាសម្ព័ន្ធ, ការរៀបចំផែនការមេ និងការអនុវត្តគោលនយោបាយភូមិ ឃុំ សង្កាត់ មានសុវត្ថិភាពជាដើម ដើម្បីឆ្ពោះទៅដណ្តើមជ័យលាភីក្នុងចលនាប្រឡងប្រណាំងទីក្រុងស្អាតលើកៗក្រោយទៀត ក៏ដូចជាចលនាប្រឡងប្រណាំងទីក្រុងទេសចរណ៍ ស្អាតអាស៊ាននា ពេលខាងមុខផងដែរ៕

លោក សេង បូរមី ប្រធាននាយកដ្ឋានវាយតម្លៃទីក្រុងស្អាតបានឲ្យដឹងថា ចលនាប្រឡងប្រណាំងទីក្រុងស្អាត គឺត្រូវបានរៀបចំឡើងក្នុងគោលបំណងលើកកម្ពស់សោភណភាព បរិស្ថានអនាម័យ និងសណ្តាប់ធ្នាប់ នៅក្រុង និងខណ្ឌ នៃព្រះរាជាណាចក្រកម្ពុជា ដែលជាតម្លៃបន្ថែម ក្នុងការចូលរួមចំណែកដល់ការអភិវឌ្ឍវិស័យទេសចរណ៍ និងការរីកចម្រើននៃសង្គមជាតិ៕

០៦ កុម្ភៈ ២០២៦

https://cms.krongkampongcham.gov.kh/uploads/topics/17688338804187.jpg

ព័ត៌មាននៅថ្នាក់ក្រុង

៣៥

រដ្ឋបាលក្រុងកំពង់ចាម បានរៀបចំបោះឆ្នោតជ្រេីសរេីសគណៈអាជីវករផ្សារធំពង់ចាម សម្រាប់អាណត្តិទី៣

រសៀលថ្ងៃទី១៩ ខែមករា ឆ្នាំ២០២៦

-----====-----

ក្រុងកំពង់ចាម ៖

លោក លី សុវណ្ណ អភិបាលនៃគណៈអភិបាលក្រុងកំពង់ចាម បានចូលរួមធ្វើជាគណៈអធិបតីក្នុងការបោះឆ្នោតជ្រើសរើសគណៈអាជីវករផ្សារធំពង់ចាម សម្រាប់អាណត្តិទី៣ ។

១៩ មករា ២០២៦

https://cms.krongkampongcham.gov.kh/uploads/topics/17646891407544.jpg

ព័ត៌មានថ្នាក់ខេត្ដ

៦៦

ខេត្តកំពង់ចាម ត្រៀមរៀបចំប្រារព្ធពិធី តាំងពិព័រណ៍ អុចកាំជ្រួច និងប្រគុំតន្ត្រីដើម្បីចូលរួមអបអរសាទរ ថ្ងៃចូលឆ្នាំសកល ២០២៥ ចូល ២០២៦ នាពេលខាងមុខនេះ

នាព្រឹកថ្ងៃទី ០២ ខែធ្នូ ឆ្នាំ២០២៥

ក្រុងកំពង់ចាម ៖

លោកស្រី រិន ធារ៉ា អភិបាលរងនៃគណៈអភិបាលក្រុងកំពង់ចាម បានចូលរួមកិច្ចប្រជុំត្រៀមរៀបចំពិធី តាំងពិព័រណ៍ អុចកាំជ្រួច និងប្រគុំតន្រ្តី ដើម្បីចូលរួមអបអរ ថ្ងៃចូលឆ្នាំសកល ២០២៥ ចូល ២០២៦ នាពេលខាងមុខនេះ ក្រោមអធិបតីភាព ឯកឧត្តម ឃន ប្រុស អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ។ កិច្ចប្រជុំនេះក៏មានការអញ្ជើញចូលរួមពី កងកម្លាំងទាំងបី លោក លោកស្រី ប្រធាន អនុប្រធានមន្ទីរអង្គភាពជុំវិញខេត្ត និងអ្នកពាក់ព័ន្ធជាច្រើនរូបទៀត ។

ឯកឧត្តម ឃន ប្រុស អភិបាលរងខេត្តកំពង់ចាម បានមានប្រសាសន៍ឱ្យដឹងថា៖ ដើម្បីចូលរួមអបអរ ថ្ងៃចូលឆ្នាំសកល ២០២៥ ចូល ២០២៦ នាពេលខាងមុខនេះ រដ្ឋបាលខេត្តកំពង់ចាម សហការជាមួយ ក្រុមហ៊ុន ជីបម៉ុង និងមន្ទីរអង្គភាពពាក់ព័ន្ធ ត្រៀមរៀបចំពិធី មានរយៈពេល ៣ថ្ងៃ ដែលនឹងប្រព្រឹត្តចាប់ពីថ្ងៃទី២៩-៣០-៣១ ខែធ្នូ ឆ្នាំ២០២៥ ខាងមុខនេះ នៅមាត់ទន្លេមេគង្គ ក្រុងកំពង់ចាម។

ឯកឧត្តម អភិបាលរងខេត្ត បានបន្តថា៖ ការរៀបចំពីធីខាងលើនេះ ដើម្បីបង្កលក្ខណៈឲ្យបងប្អូនប្រជាពលរដ្ឋ នៅក្នុងខេត្ត និងក្រៅខេត្ត បានមកទស្សនាលេងកម្សាន្ត។ ក្រៅពីនោះក៏មានការរៀបចំកម្មវិធីប្រគុំតន្ត្រី ការតាំងពិព័រណ៍ ផលិតផលខ្មែរ និងអុចកាំជ្រួច ដើម្បីបង្កភាពសប្បាយរីករាយជូនដល់ប្រជាពលរដ្ឋ និងបង្កើនការទាក់ទាញភ្ញៀវទេសចរណ៍ជាតិ និង អន្តរជាតិ មកទស្សនាកម្សាន្តផងដែរ។ជាមួយគ្នានោះដែរ ឯកឧត្តម អភិបាលរងខេត្ត ក៍បានស្នើដល់ មន្ទីរអង្គភាព ទាំងអស់ ត្រូវធ្វើការតុបតែងឲ្យមានសោភ័ណភាព និងរបៀបរៀបរយផងដែរ។

ទន្ទឹមនឹងនោះដែរ ឯកឧត្តម អភិអភិបាលរងខេត្ត ក៏បានជំរុញ និងលើកទឹកចិត្តដល់អាជ្ញាធរនិងកងកម្លាំងមានសមត្ថកិច្ច និងអង្គភាពពាក់ព័ន្ធគ្រប់លំដាប់ថ្នាក់ទាំងអស់ត្រូវបង្កើនការខិតខំយកចិត្តទុកដាក់បន្តទៀតលើការរក្សាសន្តិសុខសណ្តាប់ធ្នាប់ និងចូលរួមសំអាតអនាម័យបរិស្ថាន និងតុបតែងលម្អឲ្យសោភ័ណភាពស្រសបំព្រង ធ្វើយ៉ាងណាបង្កើតបរិយាកាសសប្បាយរីករាយជូនដល់ប្រជាពលរដ្ឋយើង។

០២ ធ្នូ ២០២៥

https://cms.krongkampongcham.gov.kh/uploads/topics/17646883436094.jpg

ព័ត៌មាននៅថ្នាក់ក្រុង

៧២

វេទិកា៖ កម្មវិធីធ្វើឱ្យប្រសើរឡើងដល់ការផ្ដល់សេវាជូនប្រជាពលរដ្ឋនៅប្រទេសកម្ពុជា៖ ការរៀនសូត្រ សមិទ្ធផល និងទិសដៅបន្ត (ISD Forum 2025)

នៅព្រឹកថ្ងៃទី ០២ ខែ ធ្នូ ឆ្នាំ ២០២៥

ក្រុងកំពង់ចាម ៖

លោក នាង ឈុនហ៊ាង ប្រធានក្រុមប្រឹក្សាក្រុងកំពង់ចាម បានដឹកនាំលោកស្រីប្រធាន គ.ក.ស.ក លោក លោកស្រី នាយក នាយករងរដ្ឋបាលក្រុង និងប្រធានការិយាល័យពាក់ព័ន្ធ ចូលរួមវេទិកាបង្ហាញ អំពីសមិទ្ធផលរបស់កម្មវិធីធ្វេីឱ្យប្រសេីរឡេីងដល់ការផ្តល់សេវាជូនប្រជាពលរដ្ឋ

នៅក្នុងប្រទេសកម្ពុជា(វេទិកា ISD ឆ្នាំ២០២៥) តាមប្រព័ន្ធZoom។ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម សក់ សេដ្ឋា ទេសរដ្ឋមន្ត្រី ទទួលបេសកកម្មពិសេស និងជាអនុប្រធានអចិន្ត្រៃយ៍ គ.ជ.អ.ប និងបិទកម្មវិធី ដោយមានការអញ្ជើញចូលរួមដ៏ខ្ពស់ខ្ពង់របស់ ឯកឧត្តម ចាន់ សុធា រដ្ឋលេខាធិការ ក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប.។ នាឱកាសនោះ ក៏មានការអញ្ជើញចូលរួមផ្ទាល់ពីថ្នាក់ដឹកនាំនៃលេខាធិការដ្ឋាន គ.ជ.អ.ប. តំណាងក្រសួង ស្ថាប័នពាក់ព័ន្ធ រដ្ឋបាលថ្នាក់ក្រោមជាតិ ដៃគូអភិវឌ្ឍន៍ និងអង្គការសង្គមស៊ីវិល ក្រុមការងារ GIZ សរុបប្រមាណ ២២៥រូប និងមានការចូលរួមតាមរយៈប្រព័ន្ធបញ្ជូនរូបភាព និងសំឡេងពីចម្ងាយ (Zoom) របស់ រដ្ឋបាលក្រុង ស្រុក ខណ្ឌនៃរាជធានី ខេត្តទាំង២១ សរុបប្រមាណ ១០០៨រូប ។

វេទិកានេះរៀបចំឡើងក្នុងគោលបំណងបង្ហាញអំពីសមិទ្ធផល បញ្ហាប្រឈម តម្រូវការអទិភាព ការចែករំលែកមេរៀន បទពិសោធ ការឆ្លុះបញ្ចាំង និងការសន្ទនាគ្នាពាក់ព័ន្ធនឹងកំណែទម្រង់អភិបាលកិច្ច ការអភិវឌ្ឍមូលដ្ឋាន និងការផ្តល់សេវាជូនប្រជាពលរដ្ឋ តាមរយៈការអនុវត្តកម្មវិធី ISD ដំណាក់កាលទី១ (ចាប់ខែមីនា ឆ្នាំ២០២២ ដល់ដំណាច់ខែធ្នូ ឆ្នាំ២០២៥) និងផែនការអនុវត្តកម្មវិធី ISD ដំណាក់កាលទី២ នៅដើមឆ្នាំ២០២៦ ដែលមានការចូលរួមពីគ្រប់ភាគីពាក់ព័ន្ធសំខាន់ៗ ជាអាទិ៍ តំណាងក្រសួង ស្ថាប័នថ្នាក់ជាតិដែលជាអ្នករៀបចំគោលនយោបាយ តំណាងរដ្ឋបាល ថ្នាក់ក្រោមជាតិ ជាពិសេស រដ្ឋបាលក្រុង ស្រុក និងរដ្ឋបាលខេត្តគោលដៅ រួមមាន ខេត្តបាត់ដំបង ខេត្តសៀមរាប និងខេត្តបន្ទាយមានជ័យដែលជាប្រតិបត្តិករ ផ្ទាល់នៃកំណែទម្រង់វិមជ្ឈការ និងវិសហមជ្ឈការ ព្រមទាំងតំណាងដៃគូអភិវឌ្ឍន៍ និងអង្គការសង្គមស៊ីវិលពាក់ព័ន្ធនានាក្នុងការចូលរួមចំណែកគាំទ្រដល់ដំណើរការកំណែទម្រង់វិមជ្ឈការ និងវិសហមជ្ឈការ។

ឆ្លៀតក្នុងឱកាសនេះដែរ តាមប្រសាសន៍របស់ ឯកឧត្តមទេសរដ្ឋន្ត្រី បានគូសបញ្ជាក់ផងដែលថា៖ ក្នុងរយៈពេលជាង២ទស្សវត្សកន្លងមកនេះ ក្រោមការដឹកនាំសម្របសម្រួលរបស់ គ.ជ.អ.ប. រួមជាមួយនឹងកិច្ចសហការ ការគាំទ្រនិងការចូលរួមពីក្រសួងស្ថាប័ននៅថ្នាក់ជាតិ រដ្ឋបាលថ្នាក់ក្រោមជាតិ ដៃគូអភិវឌ្ឍន៍ អង្គការសង្គមស៊ីវិល វិស័យឯកជន និងសាធារណជនបានជំរុញឱ្យ កំណែទម្រង់វិមជ្ឈការនិងវិសហមជ្ឈការនេះមានការវិវត្តកាន់តែស៊ីជម្រៅ និងមានភាពប្រទាក់ក្រឡាគ្នាស្របតាមផែនការ តាមដំណាក់កាលនីមួយៗ ដែលគិតមកដល់ពេលនេះរាជរដ្ឋាភិបាលកម្ពុជា បានអនុវត្តបញ្ចប់ដោយជោគជ័យ នូវកម្មវិធីជាតិដំណាក់កាលទី១ (២០១០-២០២០)។ នាពេលនេះយើង កំពុងអនុវត្តកម្មវិធីជាតិដំណាក់កាលទី២ (២០២១-២០៣០) ដែលឆ្នាំ២០២៥នេះ គឺជាឆ្នាំទី៥នៃការអនុវត្តកម្មវិធីជាតិដំណាក់កាលទី២ ហើយក៏ជាឆ្នាំដែលយើងត្រូវរៀបចំផែនការអនុវត្តរយៈពេល៥ឆ្នាំបន្ទាប់ (២០២៦-២០៣០)។ ការអនុវត្តការងារកំណែទម្រង់វិមជ្ឈការ និងវិសហមជ្ឈការ តាមរយៈកម្មវិធីជាតិតាមដំណាក់កាលនីមួយៗកន្លងមកនេះ បានបង្កើតនូវសមិទ្ធផលសំខាន់ៗជាច្រើនពាក់ព័ន្ធនឹងការកែលម្អរចនាសម្ព័ន្ធ និងប្រព័ន្ធអភិបាលកិច្ចនៅរដ្ឋបាលថ្នាក់ក្រោមជាតិ ស្របតាមគោលការណ៍ នៃការអភិវឌ្ឍតាមបែបប្រជាធិបតេយ្យ រួមជាអាទិ៍ ប្រព័ន្ធកសាងផែនការ ប្រព័ន្ធគ្រប់គ្រងបុគ្គលិក ប្រព័ន្ធគ្រប់គ្រងកិច្ចការរដ្ឋបាល ប្រព័ន្ធគ្រប់គ្រងហិរញ្ញវត្ថុ នីតិវិធីផ្តល់សេវា យន្តការគណនេយ្យភាព យន្តការសម្រុះសម្រួលវិវាទ និងដោះស្រាយបណ្តឹងនានាដែលស្ថិតក្រោមដែនសមត្ថកិច្ចរបស់រដ្ឋបាល ថ្នាក់ក្រោមជាតិនីមួយៗ។ ទន្ទឹមគ្នានេះ សិទ្ធិអំណាច មុខងារតាមវិស័យនានា រួមទាំងធនធនមនុស្សនិងធនធានហិរញ្ញវត្ថុក៏បានផ្ទេរជាបណ្តើរៗទៅឱ្យ

រដ្ឋបាលថ្នាក់ក្រោមជាតិដោយបានធ្វើឱ្យរដ្ឋបាលថ្នាក់ក្រោមជាតិកាន់តែមាន

លទ្ធភាព និងសមត្ថភាពក្នុងការផ្តល់សេវាសាធារណៈ និងការអភិវឌ្ឍមូលដ្ឋាន ដើម្បីឆ្លើយតបទៅនឹងតម្រូវការរបស់ប្រជាពលរដ្ឋបានកាន់តែចំគោលដៅ ឆាប់រហ័ស មានប្រសិទ្ធភាព តម្លាភាព គណនេយ្យភាព បរិយាបន្ន និងសមធម៌សង្គម៕

០២ ធ្នូ ២០២៥

https://cms.krongkampongcham.gov.kh/uploads/topics/17627311429731.jpg

ព័ត៌មានថ្នាក់ខេត្ដ

៧១

រដ្ឋបាលខេត្តកំពង់ចាម រៀបចំប្រារព្ធរំលឹកខួបលើកទី៧២ ទិវាបុណ្យឯករាជ្យជាតិ ៩វិច្ឆិកា ១៩៥៣- ៩ វិច្ឆិកា ឆ្នាំ២០២៥ និងកំណេីតកងយោធពលខេមរភូមិន្ទ

នាព្រឹកថ្ងៃទី ០៩ ខែ វិច្ឆិកា ឆ្នាំ ២០២៥

ខេត្តកំពង់ចាម ៖

ដើម្បីរំលឹកដល់ថ្ងៃជាប្រវត្តិសាស្ត្រ នៃការដណ្តើមបានមកវិញនូវសិទ្ធិសេរីភាព និងភាពជាម្ចាស់ទឹកដីនៃប្រទេសកម្ពុជា រដ្ឋបាលខត្តកំពង់ចាម បានប្រារព្ធពិធីរំលឹកខួបលើកទី៧២ ថ្ងៃបុណ្យឯករាជជាតិ ៩ វិច្ឆិកា ឆ្នាំ១៩៥៣- ៩ វិច្ឆិកា ឆ្នាំ២០២៥ និងទិវាកំណើតកងយោធពលខេមភូមិន្ទ ដែលបានធ្វើឡើងនាព្រឹកថ្ងៃទី៩ ខែវិច្ឆិកា ឆ្នាំ២០២៥ នៅទីតាំងវិមានឯករាជ្យ ស្ថិតក្នុងភូមិទី៦ សង្កាត់វាលវង់ ក្រុងកំពង់ចាម ក្រោមវត្តមានឯកឧត្តម ខ្លូតផន ប្រធានក្រុមប្រឹក្សាខេត្ត និងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម។

ស្ថិតក្នុងឱកាសនោះ ឯកឧត្តម អ៊ុន ចាន់ដា បានថ្លែងថា ថ្ងៃនេះក្នុងនាមក្រុមប្រឹក្សា គណៈអភិបាលខេត្ត ព្រះសង្ឃ មន្ត្រីរាការ កងកម្លាំងប្រដាប់អាវុធ លោកគ្រូ អ្នកគ្រូ និស្សិត សិស្សានុសិស្ស និងប្រជាពលរដ្ឋក្នុងខេត្តកំពង់ចាម និងក្នុងនាមខ្លួនខ្ញុំផ្ទាល់ ខ្ញុំមានមោទកភាព និងសេចក្តីរីករាយ ដោយបានចូលរួមប្រារព្ធពិធី អបអរសាទររំលឹកខួបអនុស្សាវរីយ៍លើកទី៧២ នៃទិវាបុណ្យឯករាជ្យជាតិ ៩ វិច្ឆិកា និងទិវាកំណើតនៃកងយោធពលខេមរភូមិន្ទ គឺជាទិវាប្រវត្តិសាស្ត្រដ៏ថ្លៃថ្លារបស់ប្រជាជាតិខ្មែរ ដើម្បីរំលឹកគុណូបការៈដ៏ខ្ពង់ខ្ពស់បំផុតចំពោះព្រះវិញ្ញាណក្ខ័ន្ធព្រះបរមរតនកោដ្ឋ ដែលបានដឹកនាំទាមទារឯករាជ្យពីអាណានិគមនិយមបារាំង និងរំលឹកគុណដល់វីរៈជន កងកម្លាំងប្រដាប់អាវុធ នៃកងយោធពលខេមរភូមិន្ទ នៅគ្រប់ជំនាន់ ដែលបានឆ្លងកាត់នូវគ្រប់ដំណាក់កាលធំៗជាប្រវត្តិសាស្រ្តរបស់ប្រទេសជាតិ រួមមាន ការតស៊ូដណ្តើមឯករាជ្យ ការពុះពារឆ្លងកាត់ដំណាក់កាលនៃសង្គ្រាម និង របបប្រល័យពូជសាសន៍ ប៉ុល ពត ជាពិសេសលើមូលដ្ឋាននៃជ័យជម្នះថ្ងៃ ៧ មករា ឆ្នាំ១៩៧៩ ដែលបានកសាងនូវអ្វីៗគ្រប់បែបយ៉ាង ដូចបច្ចុប្បន្ននេះ។

ឯកឧត្ដម អ៊ុន ចាន់ដា បានបន្តថា ទិវាខួបកំណើតកងយោធពលខេមរភូមិន្ទនាពេលនេះ បានឆ្លុះបញ្ចាំងពីជោគជ័យក្នុងកម្លាំងមហាសាមគ្គី របស់ប្រជាជាតិខ្មែរយើងទាំងមូល ដែលបានឆ្លងកាត់ដំណាក់កាលមួយ ទៅដំណាក់កាលមួយ ប្រកបដោយភាពបត់បែននៃដំណើរប្រវត្តិសាស្រ្តដ៏ស្មុគស្មាញជាច្រើន ជាពិសេសឆ្លងកាត់រយៈពេល ៧២ឆ្នាំកន្លងមក រហូតដល់បច្ចុប្បន្ននេះ គឺនៅតែរក្សាបាននូវអត្តសញ្ញាណជាកម្លាំងប្រដាប់អាវុធ របស់ជាតិកម្ពុជា ជាកងយោធពលខេមរភូមិន្ទដ៏អង់អាចក្លាហាន ដែលប្រសូត្រចេញពីប្រជាជន ដើម្បីប្រជាជន និងឆ្លើយតបទៅនឹងសំណូមពរនៃការតស៊ូដ៏ត្រឹមត្រូវរបស់ប្រជាជន អ្វីៗទាំងអស់ដើម្បីបម្រើឧត្តមប្រយោជន៍ប្រទេសជាតិ និងប្រជាជនកម្ពុជា ជាដរាបតរៀងមក និងយូរអង្វែងផងដែរ។

ក្នុងឱកាសនោះដែរ ឯកឧត្ដម អ៊ុន ចាន់ដា អភិបាលខេត្តកំពង់ចាម បានថ្លែងប្តេជ្ញាចិត្ត ការពាររាជរដ្ឋាភិបាលកម្ពុជា ដើម្បីដឹកនាំការពារឯករាជ្យជាតិ សន្តិភាព អធិបតេយ្យ និងបូរណភាពទឹកដី ការពារសមិទ្ធផលសង្គមជាតិ លើកកម្ពស់កិត្យានុភាពជាតិ ទប់ស្កាត់ការជ្រៀតជ្រែកកិច្ចការផ្ទៃក្នុងកម្ពុជា ទប់ស្កាត់ និងបង្ក្រាបបទល្មើសគ្រប់ប្រភេទ និងបន្តជំរុញអនុវត្តគោលនយោបាយ «ភូមិ-ឃុំ សង្កាត់មានសុវត្ថិភាព» ឱ្យមានប្រសិទ្ធភាពខ្ពស់។

បន្តចូលរួមអនុវត្តយុទ្ធសាស្ត្របញ្ចកោណ-ដំណាក់កាលទី១ និងគោលនយោបាយ នានារបស់រាជរដ្ឋាភិបាលកម្ពុជា សំដៅបន្តការអភិវឌ្ឍប្រទេសជាតិឱ្យមានការរីកចម្រើនទ្វេរឡើងបន្ថែមទៀត។

គោរពដង្ហែតាមព្រះរាជតម្រិះដ៏ឧត្តុង្គឧត្តមរបស់ព្រះមហាក្សត្រ ក្នុងព្រះរាជតួនាទីដ៏ត្រឹមត្រូវតាមរដ្ឋធម្មនុញ្ញនៃព្រះរាជាណាចក្រកម្ពុជា និងក្រោមម្លប់ព្រះបារមីដ៏ ត្រជាក់ត្រជំរបស់ព្រះករុណាជាអម្ចាស់ជីវិតតម្កល់លើត្បូង ប្រជារាស្ត្រខ្មែរមានសុខសន្តិភាព ស្ថិរភាព ការអភិវឌ្ឍ មានជីវភាពកាន់តែសមស្រប មានសាមគ្គីភាពជាធ្លុងមួយក្នុងការដោះស្រាយបញ្ហាជាតិជាច្រើនដើម្បីភាពរីកចម្រើនរបស់កម្ពុជាលើគ្រប់វិស័យ និងរហូតកម្ពុជាអាចពង្រីកនូវកេរ្តិ៍ឈ្មោះល្អរបស់ខ្លួនថែមទៀតនៅក្នុងតំបន់ និងលើឆាកអន្តរជាតិ។

បន្តរក្សាស្មារតីសាមគ្គីជាតិ ឯកភាពជាតិ ក្រោមដំបូលរាជរដ្ឋាភិបាលដែលដឹកនាំដោយសម្តេចមហាបវរធិបតី ហ៊ុន ម៉ាណែត ជាប្រមុខនៃរាជរដ្ឋាភិបាលកម្ពុជាដ៏ឆ្នើម ក្នុងការការពារ បូរណភាពទឹកដី អធិបតេយ្យភាពជាតិ ឯករាជ្យជាតិ ប្រឆាំងនឹងការឈ្លានពានពីបរទេស ៕

១០ វិច្ឆិកា ២០២៥

«១ ២ ៣ ៤ ៥ ...៧ »

ព័ត៌មានផ្សេងទៀត

ព័ត៌មានថ្នាក់ខេត្ដ ព័ត៌មានកីឡា ព័ត៌មានសុខភាព ព័ត៌មានកម្សាន្ត ព័ត៌មានបច្ចេកវិទ្យា ព័ត៌មានចំណេះដឹង ព័ត៌មានសិល្បៈ ព័ត៌មាននៅថ្នាក់ក្រុង ព័ត៏មានតាមសង្កាត់

ព័ត៌មានទូទៅ

កិច្ចប្រជុំ ស្តីពីផែនការប្រេីប្រាស់ដី និងការកំណត់ចំណីផ្លូវ ព្រមទាំងការរៀបចំសោភ័ណភាពក្នុងក្រុងកំពង់ចាម

កិច្ចប្រជុំសាមញ្ញលើកទី២១ អាណត្តិទី៤ របស់ក្រុមប្រឹក្សាក្រុងកំពង់ចាម

ពានរង្វាន់ទីក្រុងទេសចរណ៍ស្អាតអាស៊ាន ASEAN TOURIST CLEAN CITY AWARD

កិច្ចប្រជុំផ្ទៀងផ្ទាត់ និងវាយតម្លៃ«ចលនាប្រឡងប្រណាំងទីក្រុងស្អាតលើកទី៤»បេក្ខភាព ក្រុងកំពង់ចាម

រដ្ឋបាលក្រុងកំពង់ចាម បានរៀបចំបោះឆ្នោតជ្រេីសរេីសគណៈអាជីវករផ្សារធំពង់ចាម សម្រាប់អាណត្តិទី៣

ព័ត៌មានផ្សេងទៀត

តំណភ្ជាប់សំខាន់ៗ

សេវារដ្ឋបាល

ព័ត៌មានទូទៅ

កិច្ចប្រជុំសាមញ្ញលើកទី២១ អាណត្តិទី៤ របស់ក្រុមប្រឹក្សា​ក្រុងកំពង់ចាម

ពានរង្វាន់ទីក្រុងទេសចរណ៍ស្អាតអាស៊ាន ASEAN TOURIST CLEAN CITY AWARD

កិច្ចប្រជុំផ្ទៀងផ្ទាត់ និងវាយតម្លៃ«ចលនាប្រឡងប្រណាំងទីក្រុងស្អាតលើកទី៤»បេក្ខភាព ក្រុងកំពង់ចាម

រដ្ឋបាលក្រុងកំពង់ចាម​ បានរៀបចំបោះឆ្នោតជ្រេីសរេីសគណៈអាជីវករផ្សារធំពង់ចាម​ សម្រាប់អាណត្តិទី៣

ព័ត៌មានផ្សេងទៀត

តំណភ្ជាប់សំខាន់ៗ

សេវារដ្ឋបាល

កិច្ចប្រជុំសាមញ្ញលើកទី២១ អាណត្តិទី៤ របស់ក្រុមប្រឹក្សាក្រុងកំពង់ចាម

រដ្ឋបាលក្រុងកំពង់ចាម បានរៀបចំបោះឆ្នោតជ្រេីសរេីសគណៈអាជីវករផ្សារធំពង់ចាម សម្រាប់អាណត្តិទី៣