background

ព័ត៌មានទូទៅ

https://cms.krongkampongcham.gov.kh/uploads/topics/17906943183667.jpg

ព័ត៌មាននៅថ្នាក់ក្រុង

២៣

វគ្គអប់រំ ផ្សព្វផ្សាយបញ្រ្ជាបការយល់ដឹងស្តីពីសារៈសំខាន់នៃការបោះឆ្នោតនៅកម្ពុជា

នាព្រឹកថ្ងៃទី២៩ ខែកញ្ញាឆ្នាំ២០២៦

លោក​ ឈួន វិបុល អភិបាលរងនៃគណៈអភិបាលក្រុងកំពង់ចាម ​ អញ្ជេីញចូលរួមបេីកវគ្គអប់រំ ផ្សព្វផ្សាយបញ្រ្ជាបការយល់ដឹងស្តីពីសារៈសំខាន់នៃការបោះឆ្នោតនៅកម្ពុជា ក្រោមអធិបតីភាព ឯកឧត្តម ខ្លូត ចិន្តា អភិបាលរងនៃគណៈអភិបាលខេត្តកំពង់ចាម និងឯកឧត្តម​ ម៉ុក​ ដារ៉ា ​ អគ្គលេខាធិការងនៃគណៈកម្មាធិការជាតិរៀបចំការបោះឆ្នោត។


សាលប្រជុំធំ​ សាលាខេត្តកំពង់ចាម

២៩ កញ្ញា ២០២៦

https://cms.krongkampongcham.gov.kh/uploads/topics/17906939607894.jpg

ព័ត៌មានថ្នាក់ខេត្ដ

២១

កិច្ចប្រជុំគណៈកម្មការរៀបចំពិធីប្រណាំងទូក «ង» ទូកខ្នាតអន្តរជាតិ បណ្តែតប្រទីប តាំងពិព័រណ៍សមិទ្ធផល និងអុចកាំជ្រួច

នាព្រឹកថ្ងៃទី២៩ ខែកញ្ញា ឆ្នាំ២០២៦

       លោក​ លី​ សុវណ្ណ​ អភិបាលនៃគណៈអភិបាលក្រុងកំពង់ចាម​ ដឹកនាំលោក​ លោកស្រី អភិបាលរង​ អញ្ជេីញចូលរួមកិច្ចប្រជំគណៈកម្មការរៀបចំពិធីប្រណាំងទូក«ង» ទូកខ្នាតអន្តរជាតិ​ បណ្តែតប្រទីប​ តាំងពិព័រណ៍សមិទ្ធផល​ និងអុចកាំជ្រួចនៅក្រុងកំពង់ចាម​ ខេត្តកំពង់ចាម។ ក្រោមអធិបតីភាពដ៏ខ្ពង់ខ្ពស់ឯកឧត្តម​ អ៊ុន​ ចាន់ដា​ អភិបាលនៃគណៈអភិបាលខេត្តកំពង់ចាម​ និងជាប្រធានគណៈកម្មការរៀបចំពិធីប្រណាំងទូក«ង» ដើម្បីពិភាក្សា និងរៀបចំផែនការការងារឱ្យដំណើរការទៅដោយរលូន សុវត្ថិភាព និងកាន់តែអធិកអធម ក្នុងឱកាសបុណ្យចេញព្រះវស្សា នាពេលខាងមុខ នៅក្រុងកំពង់ចាម។
       កិច្ចប្រជុំនេះបានប្រព្រឹត្តទៅនៅសាលាខេត្តកំពង់ចាម ដោយមានការអញ្ជើញចូលរួមពីសំណាក់ លោក លោកស្រី អភិបាលរងខេត្ត កងកម្លាំងប្រដាប់អាវុធទាំងបីប្រភេទ ប្រធានមន្ទីរ-អង្គភាពជុំវិញខេត្ត និងអាជ្ញាធរដែនដីពាក់ព័ន្ធជាច្រើនរូប។

       ក្នុងឱកាសនោះ ឯកឧត្តម អ៊ុន ចាន់ដា អភិបាលខេត្ត និងជាប្រធានគណៈកម្មការ បានណែនាំ និងរំលេចនូវចំណុចសំខាន់ៗដល់អនុគណៈកម្មការ និងផ្នែកពាក់ព័ន្ធទាំងអស់ ត្រូវសហការគ្នាយ៉ាងជិតស្និទ្ធ ជាពិសេសលើកិច្ចការរៀបចំផែនការការពារសន្តិសុខ សុវត្ថិភាព និងសណ្តាប់ធ្នាប់សាធារណៈជូនប្រជាពលរដ្ឋ ព្រមទាំងភ្ញៀវទេសចរជាតិ និងអន្តរជាតិ ការត្រៀមលក្ខណៈបច្ចេកទេសប្រណាំងទូក រៀបចំស្តង់តាំងពិព័រណ៍សមិទ្ធផល បណ្តែតប្រទីប និងការអុចកាំជ្រួចឱ្យមានភាពទាក់ទាញ ព្រមទាំងយកចិត្តទុកដាក់លើការគ្រប់គ្រងអនាម័យ បរិស្ថាន និងសម្រួលចរាចរណ៍នៅតាមដងផ្លូវសំខាន់ៗក្នុងក្រុងកំពង់ចាម ដើម្បីបង្កលក្ខណៈងាយស្រួលដល់ការធ្វើដំណើររបស់មហាជន។

        ឯកឧត្តម អ៊ុន ចាន់ដា បានឱ្យដឹងថា ព្រឹត្តិការណ៍នេះនឹងត្រូវរៀបចំឡើងក្នុងរយៈពេលតែ ១ ថ្ងៃប៉ុណ្ណោះ ដោយមានទូក «ង» និងទូកខ្នាតអន្តរជាតិចូលរួមប្រណាំងសរុបចំនួន ៨៨ ទូក (ស្មើនឹង ៤៤ គូ)។

       ទន្ទឹមនឹងនេះ ឯកឧត្តមអភិបាលខេត្ត ក៏បានអំពាវនាវដល់សប្បុរសជននានា ចូលរួមជួយឧបត្ថម្ភគាំទ្រដល់ការរៀបចំពិធី ក៏ដូចជាជួយដល់កីឡាករអុំទូកទាំងអស់ផងដែរ។ ជាមួយគ្នានេះ ឯកឧត្តមបានជំរុញឱ្យគ្រប់ផ្នែកពាក់ព័ន្ធ ខិតខំបំពេញភារកិច្ចតាមបណ្តាអនុគណៈកម្មការនីមួយៗ ដោយស្មារតីទទួលខុសត្រូវខ្ពស់ ដើម្បីឱ្យព្រឹត្តិការណ៍នេះ ប្រព្រឹត្តទៅដោយបរិយាកាសសប្បាយរីករាយ សុវត្ថិភាព និងទទួលបានជោគជ័យយ៉ាងត្រចះត្រចង់៕

២៩ កញ្ញា ២០២៦

https://cms.krongkampongcham.gov.kh/uploads/topics/17906071184760.jpg

ព័ត៌មានថ្នាក់ខេត្ដ

២៥

កិច្ចប្រជុំ អនុគណៈកម្មការបច្ចេកទេសប្រណាំងទូក នៃគណៈកម្មការរៀបចំក្នុងពិធីប្រណាំងទុកថ្នាក់ខេត្ត ក្នុងពិធីប្រណាំងទូក “ ង ” ទូកខ្នាតអន្តរជាតិ បណ្ដែតប្រទីប តាំងពិព័រណ៍សមិទ្ធផល និងអុចកាំជ្រួច នៅក្រុ

នាព្រឹកថ្ងៃទី២៨ ខែកញ្ញា ឆ្នាំ២០២៦

        លោក​ ខា​ វល័ក្ខ​ អភិបាលរង​នៃគណៈអភិបាលក្រុងកំពង់ចាម បានអញ្ជេីញចូលរួមកិច្ចប្រជុំគណៈកម្មការបច្ចេកទេសប្រណាំងទូក នៃគណៈកម្មការរៀបចំក្នុងពិធីប្រណាំងទូកថ្នាក់ខេត្ត ក្នុងពិធីប្រណាំងទូក “ ង ” ទូកខ្នាតអន្តរជាតិ បណ្ដែតប្រទីប តាំងពិព័រណ៍សមិទ្ធផល និងអុចកាំជ្រួច នៅក្រុងកំពង់ចាម​ ដេីម្បីត្រៀមរៀបចំ​ នាពេលខាងមុខនេះ។ ក្រោមអធិបតីភាពឯកឧត្តម​ ផេន​ សុផល​ អភិបាលរងខេត្តកំពង់ចាម កិច្ចប្រជុំបានធ្វើនៅសាលាខេត្ត ដោយមានការអញ្ជើញចូលរួមពី លោកនាយករង រដ្ឋបាលសាលាខេត្ត, អភិបាលរងក្រុង , ចៅសង្កាត់ទាំង៤ តំណាងមន្ទីរ និងមន្ត្រីជំនាញពាក់ព័ន្ធផងដែរ។

២៨ កញ្ញា ២០២៦

https://cms.krongkampongcham.gov.kh/uploads/topics/17906063661224.jpg

ព័ត៌មានថ្នាក់ខេត្ដ

៤០

កិច្ចប្រជុំគណៈកម្មាធិការរៀបចំដែនដី និងនគរូបនីយកម្មថ្នាក់ខេត្ត ដើម្បីពិនិត្យ និងធ្វើបច្ចុប្បន្នភាពអចលនទ្រព្យរដ្ឋ និងការងារគ្រប់គ្រងដីធ្លីនៅទូទាំងខេត្តកំពង់ចាម

នាឱកាសនោះ ឯកឧត្តម អ៊ុន ចាន់ដា បានគូសបញ្ជាក់អំពីសារសំខាន់ និងភាពចាំបាច់នៃការគ្រប់គ្រង ការចុះបញ្ជី និងការធ្វើបច្ចុប្បន្នភាពទិន្នន័យអចលនទ្រព្យឱ្យបានច្បាស់លាស់ និងទាន់ពេលវេលា ដើម្បីធានាបាននូវតម្លាភាព សុវត្ថិភាពផ្លូវច្បាប់ និងប្រសិទ្ធភាពខ្ពស់ក្នុងការប្រើប្រាស់ ទាំងពេលចំពោះមុខ និងទៅអនាគត។

ជាមួយគ្នានេះដែរ ឯកឧត្តមអភិបាលខេត្ត ក៏បានផ្តល់ឱកាសជូនតំណាងមន្ទីរ-អង្គភាពជុំវិញខេត្ត លើកឡើងនូវបញ្ហាប្រឈម ការលំបាក និងសំណូមពរនានាទាក់ទងនឹងទីតាំងដីធ្លី ឬទីស្តីការអង្គភាពរបស់ខ្លួន ដើម្បីរួមគ្នាពិភាក្សា ផ្លាស់ប្តូរយោបល់ និងស្វែងរកដំណោះស្រាយសមស្រប។

ឯកឧត្តម អ៊ុន ចាន់ដា បានបន្ថែមថា អាជ្ញាធរខេត្តជានិច្ចកាលតែងតែយកចិត្តទុកដាក់ និងបង្កលក្ខណៈងាយស្រួលដល់គ្រប់មន្ទីរ-អង្គភាពទាំងអស់ ក្នុងការបំពេញភារកិច្ច និងមានទីតាំងធ្វើការងារសមរម្យ។

ឯកឧត្តមក៏បានផ្តាំផ្ញើ និងរំលឹកដល់គ្រប់មន្ទីរ-អង្គភាពពាក់ព័ន្ធ ត្រូវបន្តសហការគ្នាឱ្យបានជិតស្និទ្ធ ស្រាវជ្រាវ ប្រមូលព័ត៌មាន និងផ្ទៀងផ្ទាត់ឯកសារពាក់ព័ន្ធឱ្យបានគ្រប់ជ្រុងជ្រោយ ដើម្បីឱ្យការងាររៀបចំដែនដី និងការគ្រប់គ្រងអចលនទ្រព្យក្នុងខេត្តប្រព្រឹត្តទៅដោយរលូន ជៀសវាងការជាន់ដែនសមត្ថកិច្ច/ដីធ្លីគ្នា និងសម្រេចបានលទ្ធផលល្អប្រសើរតាមផែនការគ្រោងទុក៕

២៨ កញ្ញា ២០២៦

https://cms.krongkampongcham.gov.kh/uploads/topics/17902647724474.JPG

ព័ត៌មាននៅថ្នាក់ក្រុង

៣២

រដ្ឋបាលក្រុងកំពង់ចាម​ បានប្រារព្ធខួបលើកទី៣៣ ដែលកម្ពុជាបានប្រកាសឱ្យប្រើប្រាស់ជាផ្លូវការនូវរដ្ឋធម្មនុញ្ញនៃព្រះរាជាណាចក្រកម្ពុជា (២៤ កញ្ញា ឆ្នាំ១៩៩៣-២៤ កញ្ញា ឆ្នាំ២០២៦)

នាព្រឹកថ្ងៃទី២៤ ខែកញ្ញា ឆ្នាំ២០២៦

         រដ្ឋបាលក្រុងកំពង់ចាម​ បានប្រារព្ធខួបលើកទី៣៣ ដែលកម្ពុជាបានប្រកាសឱ្យប្រើប្រាស់ជាផ្លូវការនូវរដ្ឋធម្មនុញ្ញនៃព្រះរាជាណាចក្រកម្ពុជា (២៤ កញ្ញា ឆ្នាំ១៩៩៣-២៤ កញ្ញា ឆ្នាំ២០២៦) ក្រោមការដឹកនាំដោយលោក លី​ សុវណ្ណ​ អភិបាលនៃគណៈអភិបាលក្រុងកំពង់ចាម​ និងលោកស្រី ឈិត​ ណារី​ សមាជិកក្រុមប្រឹក្សាក្រុង​ តំណាងប្រធានក្រុមប្រឹក្សាក្រុង​កំពង់ចាម។ និងមានការអញ្ជើញចូលរួមពី លោក លោកស្រីសមាជិកក្រុមប្រឹក្សាក្រុង លោក លោកស្រី អភិបាលរងក្រុង កងកម្លាំងទាំងពីរ លោក លោកស្រីប្រធានអង្គភាព​ ប្រធានការិយាល័យ លោក លោកស្រី សង្កាត់ទាំងបួន​ លោក លោកស្រី​ មេភូមិទាំងអស់​ អ្នកចូលរួមសរុបប្រមាណជាង៩០នាក់។
            បុព្វកថានៃរដ្ឋធម្មនុញ្ញនៃព្រះរាជាណាចក្រកម្ពុជា (រដ្ឋធម្មនុញ្ញឆ្នាំ ១៩៩៣) មានខ្លឹមសារទាំងស្រុងដូចតទៅ៖

យើង ប្រជារាស្ត្រខ្មែរ

          ដែលធ្លាប់មានអរិយធម៌ឧត្ដុង្គឧត្ដម វប្បធម៌រុងរឿង ការពារជាតិឆ្នើម លើកតម្កើងតម្លៃមនុស្សជាតិ និងសេចក្តីថ្លៃថ្នូរ និងស្ថាបនារដ្ឋឯករាជ្យ អធិបតេយ្យ បូរណភាពទឹកដី អព្យាក្រឹត អចិន្ត្រៃយ៍ និងមិនចូលបក្សសម្ព័ន្ធ។

          បានភ្ញាក់រលឹកយ៉ាងប្រាកដនិយម អំពីការធ្លាក់ចុះខ្សោយនៃប្រទេសជាតិ ក្នុងអំឡុងពីរទសវត្សរ៍ចុងក្រោយនេះ នៃគ្រោះមហន្តរាយយ៉ាងធ្ងន់ធ្ងរ ដែលមិនធ្លាប់មានក្នុងប្រវត្តិសាស្ត្រកម្ពុជា។

          បានភ្ញាក់រលឹកយ៉ាងមុតមាំថា ដើម្បីកសាងប្រទេសជាតិឡើងវិញ ត្រូវពង្រឹងកល្យាណមិត្តភាព និងកិច្ចសហប្រតិបត្តិការជាមួយបណ្តាប្រទេសនៅលើពិភពលោក និងត្រូវរួបរួមគ្នាក្នុងធ្លុងសាមគ្គីជាតិយ៉ាងរឹងមាំ ផ្អែកលើស្មារតីនៃកិច្ចព្រមព្រៀងសន្តិភាពប៉ារីស ២៣ តុលា ១៩៩១។

សម្រេច៖

  • ពង្រឹងឯកភាពជាតិ ការពារទឹកដីកម្ពុជា អធិបតេយ្យ និងវប្បធម៌ដ៏បវរនៃអង្គរ។

  • កសាងប្រទេសជាតិ ឱ្យទៅជា «កោះសន្តិភាព» ផ្អែកលើប្រព័ន្ធប្រជាធិបតេយ្យ សេរីពហុបក្ស ធានាសិទ្ធិមនុស្ស គោរពច្បាប់។

  • ទទួលខុសត្រូវខ្ពស់ ចំពោះវាសនាអនាគតនៃជាតិ ឱ្យបានជឿនលឿន រុងរឿង ថ្កុំថ្កើង និងស្រស់បំព្រងជានិច្ចនិរន្តរ៍។

សាលប្រជុំធំ​ សាលាក្រុងកំពង់ចាម

២៤ កញ្ញា ២០២៦

https://cms.krongkampongcham.gov.kh/uploads/topics/17902642355290.jpg

ព័ត៌មាននៅថ្នាក់ក្រុង

២៩

ពិធីបុណ្យទក្ខិណានុប្បទាន​ នៅមណ្ឌលអភិរក្ស​ សួនគ្រញូង

នាព្រឹកថ្ងៃទី២៤​ ខែកញ្ញា​ ឆ្នាំ២០២៦​

              លោក​ លី​ សុវណ្ណ​ អភិបាលនៃគណៈអភិបាលក្រុងកំពង់ចាម​ បានដឹកនាំលោក​ លោកស្រី​ អភិបាលរង​ លោក​ លោកស្រី​ នាយក​ នាយករងរដ្ឋបាល​ និងមន្ត្រីរាជការទាំងអស់នៃរដ្ឋបាលក្រុងកំពង់ចាម​ អញ្ជេីញចូលរួមពិធីបុណ្យទក្ខិណានុប្បទាន​ នៅមណ្ឌលអភិរក្ស​ សួនគ្រញូង​។ ក្រោមអធិបតីភាពឯកឧត្តម​ យឹម​ ឆៃលី​ ឧត្តមប្រឹក្សាផ្ទាល់ព្រះមហាក្សត្រ​ នៃព្រះរាជាណាចក្រកម្ពុជា​ និងលោកជំទាវ​។

               ​ ដេីម្បីឧទ្ទិសបុណ្យកុសល​ជូនដល់បុព្វការីជន​ ជីដូនជីតា​ ញាតិកាទាំងប្រាំពីរសន្តាន​ និងញាតទាំងអស់ក្នុងសង្សារវដ្ត​ ដែលបានចែកឋានទៅ​ ក៏សូមអញ្ជេីញមកទទួលបុណ្យកុសលដែលថ្នាក់ដឹកនាំបានបំពេញហេីយក្នុងថ្ងៃនេះ​ និងសូមអោយងាកក្រោយឱ្យពរជ័យដល់កូនចៅទាំងអស់​ ទទួលបាននូវសេចក្តីសុខ​ សេចក្តីចម្រេីន​ ព្រមទាំងជោគជ័យគ្រប់ភារៈកិច្ចជូនជាតិ​ និងប្រជាជន។

២៤ កញ្ញា ២០២៦

https://cms.krongkampongcham.gov.kh/uploads/topics/17902637566229.jpg

ព័ត៌មាននៅថ្នាក់ក្រុង

១៨

សម្រួបសម្រួលជាមួយក្រុមហ៊ុនBUCG ដោះស្រាយបញ្ហាស្ទះប្រព័ន្ធលូនៅ ភូមិទី២ សង្កាត់កំពង់វាលវង់

នាព្រឹកថ្ងៃទី២៣ខែកញ្ញាឆ្នាំ២០២៦

        លោក ជឹម លាភី អភិបាលរងនៃគណៈអភិបាលក្រុងកំពង់ចាម បានចុះត្រួតពិនិត្យ និងធ្វើការសម្រួបសម្រួលជាមួយក្រុមហ៊ុនBUCG ដោះស្រាយបញ្ហាស្ទះប្រព័ន្ធលូនៅ ភូមិទី២ សង្កាត់កំពង់វាលវង់ បណ្តាលលិចផ្ទះប្រជាពលរដ្ឋ។

២៤ កញ្ញា ២០២៦

https://cms.krongkampongcham.gov.kh/uploads/topics/17902634786705.jpg

ព័ត៌មាននៅថ្នាក់ក្រុង

១៨

ទិវាសំអាតពិភពលោកលើកទី៩ (world cleanup  day )សំអាតតាមបណ្តាយមាត់ទន្លេរ

នាព្រឹកថ្ងៃទី២៣ខែកញ្ញាឆ្នាំ២០២៦

        លោក ជឹម លាភី អភិបាលរងនៃគណៈអភិបាលក្រុងកំពង់ចាម បានដឹកនាំ លោក លោកស្រីប្រធាន អនុប្រធាន​ការិយាល័យ និង មន្ត្រីរាជការ​រដ្ឋបាលក្រុង ចូលរួមទិវាសំអាតពិភពលោកលើកទី៩ (world cleanup  day )សំអាតតាមបណ្តាយមាត់ទន្លេរ ។​ 
     

២៤ កញ្ញា ២០២៦

https://cms.krongkampongcham.gov.kh/uploads/topics/17902631703223.jpg

ព័ត៌មាននៅថ្នាក់ក្រុង

១៥

វគ្គបណ្តុះបណ្តាលស្តីពីការអនុវត្តកញ្ចប់សម្ភារអំណាន និងគណិតវិទ្យាថ្នាក់ដំបូង ថ្នាក់ទី១. ២. ៣ ដល់គ្រូបង្គោលថ្នាក់ជាតិ និងគ្រូបង្គោលថ្នាក់កម្រងសាលារៀន

នាព្រឹកថ្ងៃទី២៣ ខែកញ្ញា ឆ្នាំ២០២៦

       លោក  រី ដាវិន អភិបាលរងនៃគណៈអភិបាលក្រុងកំពង់ចាម បានចូលរួមពិធីបើកវគ្គបណ្តុះបណ្តាលស្តីពីការអនុវត្តកញ្ចប់សម្ភារអំណាន និងគណិតវិទ្យាថ្នាក់ដំបូង ថ្នាក់ទី១. ២. ៣ ដល់គ្រូបង្គោលថ្នាក់ជាតិ និងគ្រូបង្គោលថ្នាក់កម្រងសាលារៀន ដើម្បីបណ្តុះបណ្តាលបន្តដល់គ្រូបង្រៀនថ្នាក់ទី១. ២. ៣ និងអ្នកពាក់ព័ន្ឋដែលប្រព្រឹត្តទៅចាប់ពីថ្ងៃទី២៣ ដល់ថ្ងៃទី២៨ ខែកញ្ញា ឆ្នាំ២០២៦ នៅសាលាបឋមសិក្សាបឹងបាសាក់ ក្រុងកំពង់ចាម។

២៤ កញ្ញា ២០២៦

https://cms.krongkampongcham.gov.kh/uploads/topics/17902627012067.jpg

ព័ត៌មាននៅថ្នាក់ក្រុង

១៨

កិច្ចប្រជុំអនឡាញ លើការផ្សព្វផ្សាយដាក់អោយប្រើប្រាស់ជាផ្លូវការ ផែនការសកម្មភាពជាតិ ស្តីពីការទប់ស្កាត់អំពើហិង្សាលើស្រ្តីលើកទី៤ ឆ្នាំ២០២៥ ដល់ ឆ្នាំ២០៣០

នារសៀលថ្ងៃទី ២១ ខែកញ្ញា ឆ្នាំ២០២៦

         លោកស្រី រិន ធារ៉ា អភិបាលរងនៃគណៈអភិបាលក្រុងកំពង់ចាម និងជាប្រធានក្រុមការងារឆ្លើយតបជាពហុវិស័យអំពើហិង្សាទាក់ទងនឹងយេនឌ័រក្រុងកំពង់ចាម បានដឹកនាំក្រុមការងារចូលរួមកិច្ចប្រជុំអនឡាញ លើការផ្សព្វផ្សាយដាក់អោយប្រើប្រាស់ជាផ្លូវការ ផែនការសកម្មភាពជាតិ ស្តីពីការទប់ស្កាត់អំពើហិង្សាលើស្រ្តីលើកទី៤ ឆ្នាំ២០២៥ ដល់ ឆ្នាំ២០៣០ ក្រោមអធិបតីភាព ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ។

២៤ កញ្ញា ២០២៦

https://cms.krongkampongcham.gov.kh/uploads/topics/17902624739371.jpg

ព័ត៌មានថ្នាក់ខេត្ដ

១០

កិច្ចប្រជុំដោះស្រាយលើការស្នើសុំជួយអន្តរាគមន៍ដីធ្លី របស់ប្រជាពលរដ្ឋ ស្ថិតនៅក្នុងភូមិបឹងកុក៣ សង្កាត់បឹងកុក ក្រុងកំពង់ចាម ខេត្តកំពង់ចាម

នាព្រឹកថ្ងៃទី២១ ខែកញ្ញា ឆ្នាំ២០២៦

      លោក​ រី​ ដាវិន​ អភិបាលរងនៃគណៈអភិបាលក្រុងកំពង់ចាម​ បានដឹកនាំលោក​នាយករងរដ្ឋបាល​ និងលោកអនុប្រធានការិយាល័យរៀបចំដែនដី​ នគរូបនីយកម្ម​ សំណង់​ និងភូមិបាលក្រុង​ អញ្ជេីញចូលរួមក្នុងកិច្ចប្រជុំដោះស្រាយលើការស្នើសុំជួយអន្តរាគមន៍ដីធ្លី របស់ប្រជាពលរដ្ឋ ស្ថិតនៅក្នុងភូមិបឹងកុក៣ សង្កាត់បឹងកុក ក្រុងកំពង់ចាម ខេត្តកំពង់ចាម ក្រោមអធិបតីភាព​ ឯកឧត្តម សា ស៊ីថា អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម។

នៅសាលប្រជុំ សាលាខេត្តកំពង់ចាម។

២៤ កញ្ញា ២០២៦

https://cms.krongkampongcham.gov.kh/uploads/topics/17900446882398.jpg

ព័ត៌មាននៅថ្នាក់ក្រុង

១៧

កិច្ចប្រជុំប្រចាំខែកញ្ញា​ ស្តីពីវឌ្ឍនភាពនៃការអនុវត្តផែនការសកម្មភាព​ និងថវិកាឆ្នាំ២០២៦

នាព្រឹកថ្ងៃទី២១ ខែកញ្ញា ឆ្នាំ២០២៦
   
        លោក ជឹម លាភី អភិបាលរងនៃគណៈអភិបាលក្រុងកំពង់ចាម បានអញ្ជើញចូលរួមក្នុងកិច្ចប្រជុំវឌ្ឍនភាព នៃការអនុវត្តសកម្មភាពការងារ និងថវិកា ឆ្នាំ២០២៦ ក្រោមអធិបតីភាព ឯកឧត្តម ផេន សុផល អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលខេត្តកំពង់ចាម ដើម្បីជំរុញប្រសិទ្ធភាពការអនុវត្តផែនការសកម្មភាព និងថវិកា (ផ.ស.ថ.) ឆ្នាំ២០២៦ នៃកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យ នៅថ្នាក់ក្រោមជាតិ ដំណាក់កាលទី២។

        ក្នុងកិច្ចប្រជុំក៏មានការអញ្ជើញចូលរួមពីប្រធាន អនុប្រធានការិយាល័យប្រជាពលរដ្ឋខេត្ត , ប្រធានសមាគមក្រុមប្រឹក្សាក្រុង ស្រុក ឃុំ សង្កាត់, នាយករង និងនាយិការងរដ្ឋបាលសាលាខេត្ត, តំណាងមន្ទីរផែនការខេត្ត, មន្ទីរកិច្ចការនារីខេត្ត, អភិបាលរងក្រុង ស្រុក ទទួលបន្ទុក, នាយក នាយករងទីចាត់ការ និងប្រធានអង្គភាព ចំណុះសាលាខេត្ត និងមន្ត្រីជំនាញពាក់ព័ន្ធផងដែរ ។

២២ កញ្ញា ២០២៦

«១២៣៤៥...១០»

ព័ត៌មានផ្សេងទៀត

ព័ត៌មានថ្នាក់ខេត្ដព័ត៌មានកីឡាព័ត៌មានសុខភាពព័ត៌មានកម្សាន្តព័ត៌មានបច្ចេកវិទ្យាព័ត៌មានចំណេះដឹងព័ត៌មានសិល្បៈព័ត៌មាននៅថ្នាក់ក្រុងព័ត៏មានតាមសង្កាត់
logo

+(855) 76 429 4996

kampongchammunicipality@gmail.com

ផ្លូវព្រះបាទកេតុមាលា, ភូមិទី៧, សង្កាត់កំពង់ចាម, ក្រុងកំពង់ចាម, ខេត្តកំពង់ចាម, ប្រទេសកម្ពុជា

បណ្ដាញសង្គម

តំណភ្ជាប់សំខាន់ៗ

សេវារដ្ឋបាល

សហការរៀបចំដោយ៖

logologologo
អភិវឌ្ឍដោយ៖ DCx Co., Ltd