background

ព័ត៌មានទូទៅ

https://cms.krongkampongcham.gov.kh/uploads/topics/17566331504691.jpg

ព័ត៌មាននៅថ្នាក់ក្រុង

៥៥

លោក​ ខា​ វល័ក្ខ​ អភិបាលរងក្រុងកំពង់ចាម​ បានដឹកនាំមន្ត្រីរាជការនៃរដ្ឋបាលក្រុងកំពង់ចាម​ បានសហការជាមួយមន្ទីរព័ត៌មានខេត្តកំពង់ចាម​ ចូលរួមក្នុងពិធីបិទយុទ្ធនាការ"និយាយថាទេ​ ចំពោះព័ត៌មានក្លែងក្លាយ"

"និយាយថាទេ​ ចំពោះព័ត៌មានក្លែងក្លាយ"

នាថ្ងៃទី៣១​ ខែសីហា​ ឆ្នាំ២០២៥
---------=====-----------
            លោក​ ខា​ វល័ក្ខ​ អភិបាលរងនៃគណៈអភិបាលក្រុងកំពង់ចាម​ បានដឹកនាំមន្ត្រីរាជការនៃរដ្ឋបាលក្រុងកំពង់ចាម​ ព្រមទាំងបានសហការជាមួយមន្ទីរព័ត៌មានខេត្តកំពង់ចាម​ ដើម្បីរៀបចំពិធីបិទយុទ្ធនាការ "និយាយថាទេ​ ចំពោះព័ត៌មានក្លែងក្លាយ" និងមិនការដង្ហែរផ្សព្វផ្សាយជូនដល់បងប្អូនប្រជាពលរដ្ឋ និងចែកខិតប័ណ្ណផងដែរ។

---------======----------
នៅបរិវេណសាលាក្រុងកំពង់ចាម

៣១ សីហា ២០២៥

https://cms.krongkampongcham.gov.kh/uploads/topics/17566326042041.jpg

ព័ត៌មាននៅថ្នាក់ក្រុង

៦៧

លោក​ ជឹម​ លាភី​ អភិបាលរង​ បានដឹកនាំក្រុមការងារថ្នាក់ក្រុង​ និងសង្កាត់​ ចូលរួមប្រជុំស្តីពីការផ្សព្វផ្សាយសេចក្តីណែនាំស្តីពីការជំរុញផ្តល់ឯកសារបញ្ជាក់អត្តសញ្ញាណជូនប្រជាពលរដ្ឋខែ្មរ

នាថ្ងៃទី២៩​ ខែសីហា​ ឆ្នាំ២០២៥​
--------=====--------
        លោក​ ជឹម​ លាភី​ អភិបាលរងនៃគណៈអភិបាលក្រុងកំពង់ចាម ​ បានធ្វើការដឹកនាំក្រុមការងារថ្នាក់ក្រុង​ និងសង្កាត់​ទាំង៤ ដើម្បីចូលរួមប្រជុំស្តីពីការផ្សព្វផ្សាយសេចក្តីណែនាំអំពីការជំរុញការផ្តល់ឯកសារបញ្ជាក់អត្តសញ្ញាណជូនដល់បងប្អូនប្រជាពលរដ្ឋខែ្មរដែលទេីបវិលត្រឡប់មកពីប្រទេសថៃ និងប្រជាពលរដ្ឋខែ្មរដែលពុំទាន់មានឯកសារគ្រប់គ្រាន់​ តាមរយៈប្រព័ន្ធ Zoom​  ក្រោមអធិបតីភាពឯកឧត្តម​ ឧត្តមសេនីយ៍​ឯក​ តុប​ នេត​ អគ្គនាយកនៃអគ្គនាយកដ្ឋានអត្តសញ្ញាណកម្មនៃក្រសួងមហាផ្ទៃ។

---------=======-----------
សាលប្រជុំតូច​ សាលាក្រុងកំពង់ចាម 

៣១ សីហា ២០២៥

https://cms.krongkampongcham.gov.kh/uploads/topics/17566322166496.jpg

ព័ត៌មាននៅថ្នាក់ក្រុង

៦៧

កិច្ចប្រជុំពិភាក្សា អំពីដំណេីរគម្រោងអភិវឌ្ឍន៍​ និងនីតិវិធីនៃការស្នេីសុំកញ្ចប់ថវិកាពីពីម្ចាសគម្រោង UNDP

នាថ្ងៃទី២៩​ ខែសីហា​ ឆ្នាំ២០២៥​
---------======----------

         លោក​ ខា​ វល័ក្ខ​ អភិបាលរងនៃគណៈអភិបាលក្រុងកំពងើចាម តំណាងលោក លី សុវណ្ណ អភិបាលនៃគណៈអភិបាលក្រុងកំពង់ចាម​ និងលោក​ ជុំ​ សុជាតិ​ បានដឹកនាំក្រុមការងារប្រជុំពិភាក្សាអំពីដំណេីរគម្រោងអភិវឌ្ឍន៍​ និងនីតិវិធីនៃការស្នេីសុំកញ្ចប់ថវិកាពីម្ចាសគម្រោង ក្នុងនោះដែរក៏មានការបណ្ដុះ និងតម្រង់ទិសបន្ថែមទៀតក្នុងរៀបចំផែនការគម្រោងឲ្យស្របតាមលក្ខខណ្ឌរបស់ UNDP។ ដោយមានការអញ្ជេីញចូលរួមពីក្រុមការងាររដ្ឋបាលក្រុង​ ក្រុមការងារ UNDP​ និងអ្នកពាក់ព័ន្ធ។

-------=====--------
សាលប្រជុំធំ​ សាលាក្រុងកំពង់ចាម

៣១ សីហា ២០២៥

https://cms.krongkampongcham.gov.kh/uploads/topics/17563109709063.jpg

ព័ត៌មាននៅថ្នាក់ក្រុង

៥២

លោក លី សុវណ្ណ អភិបាលនៃគណៈអភិបាលក្រុងកំពង់ចាម អញ្ជេីញជាគណៈអធិបតីក្នុងពិធីកាត់ស្រោមវិញ្ញាសាប្រឡង​សញ្ញាប័ត្រមធ្យមសិក្សាទុតិយភូមិ​ ឆ្នាំ២០២៥​ នៅមណ្ឌលប្រឡង​ សាលាបឋមសិក្សាទួលថ្ម

នាព្រឹក ថ្ងៃទី ២៨ ខែ សីហា ឆ្នាំ ២០២៥ 
-------======--------
        
          លោក លី សុវណ្ណ អភិបាលនៃគណៈអភិបាលក្រុងកំពង់ចាម បានអញ្ជេីញជាគណៈអធិបតីក្នុងពិធីកាត់ស្រោមវិញ្ញាសាសម្រាប់ការប្រឡង​សញ្ញាប័ត្រមធ្យមសិក្សាទុតិយភូមិ(BacII) សម្រាប់​ ឆ្នាំ២០២៥​ នៅមណ្ឌលប្រឡង​ សាលាបឋមសិក្សាទួលថ្ម ក្នុងនោះដែរ លោកអភិបាលក៏បានជូនពរដល់ក្មួយៗទាំងអស់ប្រឡងជាប់ និងបាននិទ្ទេសល្អគ្រប់ៗគ្នា ។ ​ 

២៧ សីហា ២០២៥

https://cms.krongkampongcham.gov.kh/uploads/topics/17561373116639.jpg

ព័ត៌មាននៅថ្នាក់ក្រុង

៤៨

លោកស្រី រិន ធារ៉ា អភិបាលរងនៃគណៈអភិបាលក្រុង ដឹកនាំមន្ត្រីគម្រោងSTA របស់រដ្ឋបាលក្រុងកំពង់ចាម ចុះប្រជុំផ្សព្វផ្សាយ និងស្ទាបស្ទង់មតិនៃគេហទំព័រ និងទំព័របណ្ដាញសង្គមផ្លូវការរបស់រដ្ឋបាលក្រុងកំពង់ចាម

ថ្ងៃទី ២៦ ខែ សីហា ឆ្នាំ ២០២៥
------======----

        លោកស្រី រិន ធារ៉ា អភិបាលរងនៃគណៈអភិបាលក្រុងកំពង់ចាម បានដឹកនាំមន្ត្រីគម្រោងSTA របស់រដ្ឋបាលក្រុងកំពង់ចាម ដើម្បីចុះប្រជុំផ្សព្វផ្សាយ និងស្ទាបស្ទង់មតិនៃគេហទំព័រ និងទំព័របណ្ដាញសង្គមផ្លូវការរបស់រដ្ឋបាលក្រុងកំពង់ចាម ដល់បណ្ដាសង្កាត់នៅក្នុងក្រុងកំពង់ចាម និងបានបញ្រ្ជាការយល់ដឹកអំពីការទទួលបាននូវព័ត៌មានពិត ឬមិនពិត និងផលប៉ះពាល់នៃព័ត៌មានក្លែងក្លាយ ផងដែរ។

២៥ សីហា ២០២៥

https://cms.krongkampongcham.gov.kh/uploads/topics/17560521735357.jpg

ព័ត៌មាននៅថ្នាក់ក្រុង

៥៧

លោក​ ជឹម​ លាភី​ អភិបាលរងក្រុងកំពង់ចាម បានដឹកនាំកិច្ចប្រជុំត្រៀមរៀបចំឯកសារ​ ដេីម្បីរៀបចំសមាហរណកម្មកម្មវិធីវិនិយោគបីឆ្នាំរំកិល២០២៦-២០២៨

នារសៀល ថ្ងៃទី ២១ ខែ សីហា ឆ្នាំ ២០២៥ 
---------===============---------

          
           លោក​ ជឹម​ លាភី​ អភិបាលរងនៃគណៈអភិបាលក្រុងកំពង់ចាម បានដឹកនាំកិច្ចប្រជុំត្រៀមរៀបចំឯកសារ​ ដេីម្បីរៀបចំសមាហរណកម្មកម្មវិធីវិនិយោគបីឆ្នាំរំកិល ២០២៦ - ២០២៨ របស់រដ្ឋបាលក្រុង​ និងសង្កាត់​ នៅថ្នាក់ក្រុង ដោយមានការអញ្ជើញចូលរួមណែនាំពីលោកប្រធានការិយាល័យផែនការ​ និងគាំទ្រសង្កាត់​ ដល់លោក​ លោកស្រី​ ចៅសង្កាត់ទាំងបួន​ ស្មៀនសង្កាត់ទាំងបួន​ និងមន្ត្រីពាក់ព័ន្ធ សម្រាប់កិច្ចដំណើរការនៃសិក្ខាសាលានៅថ្ងៃទី ០២ ខែ កញ្ញា ឆ្នាំ២០២៥ ខាងមុខ។

------------===------------
សាលប្រជុំធំ​ សាលាក្រុងកំពង់ចាម

២៤ សីហា ២០២៥

https://cms.krongkampongcham.gov.kh/uploads/topics/17559661488223.JPG

ព័ត៌មាននៅថ្នាក់ក្រុង

៩៥

លោក រី ដាវិន អភិបាលរងក្រុងកំពង់ចាម បានដឹកនាំកិច្ចប្រជុំវាយតម្លៃសេវាសាធារណៈគំរូក្នុងវិស័យអប់រំ និងវិស័យសុខាភិបាល ក្នុងក្រុងកំពង់ចាម

នាថ្ងៃទី ២០ ខែ សីហា ឆ្នាំ ២០២៥
----------=======-----------

          លោក រី ដាវិន អភិបាលរងនៃគណៈអភិបាលក្រុង តំណាងលោក លី សុវណ្ណ អភិបាលនៃគណៈអភិបាលក្រុងកំពង់ចាម បានដឹកនាំកិច្ចប្រជុំវាយតម្លៃសេវាសាធារណៈគំរូក្នុងវិស័យអប់រំ និងវិស័យសុខាភិបាល នៅក្នុងក្រុងកំពង់ចាម ដោយមានការចូលរួមពីលោក ឯក សុខជេសថា ប្រធានការិយាល័យអប់រំ យុវជន និងកីឡា ក្រុងកំពង់ចាម និងលោក សេង ដារ៉ាក្រពុំ ប្រធានការិយាល័យសុខាភិបាល ស្រុកប្រតិបត្តិ កំពង់ចាម-កំពង់សៀម និងមានការចូលរួមពីលោកគ្រូ អ្នកគ្រូ និងលោក លោកស្រី ប្រធានមណ្ឌលសុខាភាព ដោយមានការឡើងធ្វើបទបង្ហាញតាមផ្នែកនីមួយៗ រួចធ្វើការពិនិត្យ ពិភាក្សា និងវាយតម្លៃ ផងដែរ។

 ----------=======-----------
សាលាប្រជុំធំ សាលាក្រុងកំពង់ចាម

២៣ សីហា ២០២៥

https://cms.krongkampongcham.gov.kh/uploads/topics/17559649474555.jpg

ព័ត៌មាននៅថ្នាក់ក្រុង

៥៨

លោក​ស្រី​ រិន​ ធារ៉ា​ អភិបាលរងក្រុង​ និងលោក​វេជ្ជបណ្ឌិត​ មុំ​ គង់​ នាយកប្រតិបត្តិអង្គការចលនា​ សុខភាពកម្ពុជា បានបេីកវគ្គបំប៉នស្ដីពីនិរន្តរភាពនៃទីក្រុងទេសចរណ៍គ្មានផ្សែងបារី

នាព្រឹកថ្ងៃទី១៨ ខែសីហា​ ឆ្នាំ២០២៥
----------======----------

          ដោយមានកិច្ចសហការរវាងរដ្ឋបាលក្រុងកំពង់ចាម​ ដឹកនាំដោយលោកស្រី រិន ធារ៉ា អភិបាលរងនៃគណៈអភិបាលក្រុងកំពង់ចាម ជាមួយនិងអង្គការចលនាកម្ពុជា​  ដឹកនាំដោយលោក​វេជ្ជបណ្ឌិត មុំ​ គង់​ នាយកប្រតិបត្តិអង្គការចលនា​ សុខភាពកម្ពុជា បានរៀបចំបេីកវគ្គបំប៉នស្ដីពីនិរន្តរភាពនៃទីក្រុងទេសចរណ៍គ្មានផ្សែងបារី​ និងមានការចូលរួមពី​ អង្គការចលនាសុខភាពកម្ពុជា​ នាយករងរដ្ឋបាលទទួលបន្ទុក​ លោក​ លោកស្រី​ ប្រធានអង្គភាព​ ប្រធានការិយាល័យចំណុះរដ្ឋបាលក្រុងកំពង់ចាម​ លោក​ លោកស្រី​ ចៅសង្កាត់ទាំងបួន​ លោក លោកស្រីស្មៀនសង្កាត់ទាំងបួន​ និងមន្ត្រីពាក់ព័ន្ធ។

----------======----------
សាលប្រជុំធំ​ សាលាក្រុងកំពង់ចាម

២៣ សីហា ២០២៥

https://cms.krongkampongcham.gov.kh/uploads/topics/17559641329505.jpg

ព័ត៌មាននៅថ្នាក់ក្រុង

៦៧

លោក នាង ឈុនហ៊ាង ប្រធានក្រុមប្រឹក្សាក្រុង និងលោក ខា វល័ក្ខ អភិបាលរងក្រុង ដឹកនាំកិច្ចប្រជុំណែនាំស្តីពីការរៀបចំទម្រង់របាយការណ៍ អំពីស្ថានភាពនៃការអនុវត្តមុខងារ និងរចនាសម្ព័ន្ធរបស់រដ្ឋបាលក្រុងកំពង់

នាព្រឹកថ្ងៃទី១៥​ ខែសីហា ឆ្នាំ២០២៥
-----------=======------------

          លោក នាង ឈុនហ៊ាង ប្រធានក្រុមប្រឹក្សាក្រុងកំពង់ចាម និង លោក ខា វល័ក្ខ អភិបាលរងនៃគណៈអភិបាលក្រុងកំពង់ចាម បានដឹកនាំកិច្ចប្រជុំណែនាំស្តីពីការរៀបចំទម្រង់របាយការណ៍ អំពីស្ថានភាពនៃការអនុវត្តមុខងារ និងរចនាសម្ព័ន្ធរបស់រដ្ឋបាលក្រុងកំពង់ចាម។
ដោយមានការអញ្ជើញចូលរួមពី​ លោកស្រី​ នាយករដ្ឋបាល លោក លោកស្រី​ ប្រធានអង្គភាព​ ប្រធានការិយាល័យចំណុះរដ្ឋបាលក្រុង​ និងមន្ត្រីពាក់ព័ន្ធ ។

-----------=======------------
សាលប្រជុំធំ សាលាក្រុងកំពង់ចាម

២៣ សីហា ២០២៥

https://cms.krongkampongcham.gov.kh/uploads/topics/17550958204514.jpg

ព័ត៌មាននៅថ្នាក់ក្រុង

៦១

លោក ខា វល័ក្ខ អភិបាលរងនៃគណៈអភិបាលក្រុងដឹកនាំប្រជុំសម្របសម្រួលករណីផលិតទានដែលបង្ករឱ្យមានផ្សែងខ្មៅហុយ ផះកំទេចហើរធ្លាក់ចូលលំនៅដ្ឋាន

រសៀលថ្ងៃទី ១៤ ខែ សីហា ឆ្នាំ ២០២៥
-------------======--------------

 លោក ខា វល័ក្ខ អភិបាលរងនៃគណៈអភិបាលក្រុងកំពង់ចាម  តំណាងលោក លី សុវណ្ណ អភិបាល នៃគណៈអភិបាលក្រុងកំពង់ចាម បានអញ្ជើញដឹកនាំកិច្ចប្រជុំសម្របសម្រួលករណីផលិតទានដែលបង្ករឱ្យមានផ្សែងខ្មៅហុយ និងផះកំទេច ហើរធ្លាក់ចូលលំនៅដ្ឋានប្រជាពលរដ្ឋនៅជឹតខាង​ ដែលបណ្ដាលឱ្យប្រឡាក់ខោអាវ ប៉ះពាល់ដល់បរិស្ថាន និងសុខភាពរបស់ប្រជាពលរដ្ឋ ស្ថិតនៅក្នុងភូមិទី១៥ សង្កាត់កំពង់ចាម ក្រុងកំពង់ចាម ខេត្តកំពង់ចាម។

១៣ សីហា ២០២៥

https://cms.krongkampongcham.gov.kh/uploads/topics/17550949907905.jpg

ព័ត៌មាននៅថ្នាក់ក្រុង

៦៤

លោកស្រី រិន ធារ៉ា អភិបាលរងនៃគណៈអភិបាលក្រុង និងជាប្រធានប្រតិបត្តិអនុសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ក្រុង ចុះសួរសុខទុក្ខគ្រួសារជនភៀសសឹក និងជនពិការ គ្រួសារជួបការលំបាក

នារសៀល ថ្ងៃទី ១៤ ខែ សីហា ឆ្នាំ ២០២៥
-----------------=====------------------

             លោកស្រី  រិន ធារ៉ា អភិបាលរងនៃគណៈអភិបាលក្រុងកំពង់ចាម និងជាប្រធានប្រតិបត្តិអនុសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ក្រុង បានចុះសួរសុខទុក្ខដល់គ្រួសារជនភៀសសឹក និងជនមានពិការភាព គ្រួសារជួបការលំបាកចំនួន ០៣គ្រួសារ ៖
       ១.អ្នកស្រី រឹម សំអាត អាយុ ៤៧ឆ្នាំ មានកូន ០២នាក់ នៅក្នុងបន្ទុក នៅជាមួយគេ ប្តីជាកងទព័ជួរមុខ (មុំបី) មកស្នាក់នៅភូមិទី២ សង្កាត់វាលវង់ ក្រុងកំពង់ចាម តាំងពីថ្ងៃទី២៩.០៧.២០២៥ គាត់មកពីព្រំប្រទល់ ភូមិរុងរឿង៤ ឃុំមរតក ស្រុកជាំក្សាន្ត ខេត្តព្រះវិហារ។
      ២.អ្នកស្រី យុគ ថាច អាយុ ៤៦ឆ្នាំ ជាជនភៀសសឹក នៅភូមិបឹងបាសាក់ មកពីភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត។
      ៣.លោក ឈុន ភិរម្យ អាយុ ៥៣ឆ្នាំ មានទីលំនៅ ក្នុងភូមិបឹងកុកទី១ សង្កាត់បឹងកុក ក្រុងកំពង់ចាម មានពិការភាព ដោយក្នុង ១គ្រួសារ ទទួលបាន អង្ករ ២៥គីឡូក្រាម មី ១កេស ត្រីខ ១យួរ ទឹកស៊ីអ៊ីវ ១យួរ ទឹកត្រី ១យួរ មុង ១ ភួយ ១ សារុង ១ និងថវិកាចំនួន ៤០,០០០រៀលក្នុង ១គ្រួសារ។

១៣ សីហា ២០២៥

https://cms.krongkampongcham.gov.kh/uploads/topics/17550409268169.jpg

ព័ត៌មាននៅថ្នាក់ក្រុង

៨១

លោក ស្លេះ អ៊ីសា អភិបាលរងនៃគណៈអភិបាលក្រុងកំពង់ចាម ដឹកនាំក្រុមការងារចូលរួមកិច្ចប្រជុំស្ដីពី ការសម្របសម្រួលផ្ដល់ឯកសារអត្តសញ្ញាណកម្ម ជូនប្រជាពលរដ្ឋដែលត្រឡប់មកពីប្រទេសថៃ

នាព្រឹក ថ្ងៃទី ១២ ខែសីហា ឆ្នាំ២០២៥
--------------=====-------------

         លោក ស្លេះ អ៊ីសា អភិបាលរងនៃគណៈអភិបាលក្រុងកំពង់ចាម តំណាងលោក លី សុវណ្ណ អភិបាលនៃគណៈអភិបាលក្រុង ដឹកនាំក្រុមការងារចូលរួមកិច្ចប្រជុំស្ដីពី ការសម្របសម្រួលផ្ដល់ឯកសារអត្តសញ្ញាណកម្ម ជូនប្រជាពលរដ្ឋដែលត្រឡប់មកពីប្រទេសថៃ តាមរយៈប្រព័ន្ធវីដេអូ ZOOM ។

----------==========-----------

សាលប្រជុំធំសាលាក្រុងកំពង់ចាម

១៣ សីហា ២០២៥

ព័ត៌មានផ្សេងទៀត

logo

+(855) 76 429 4996

kampongchammunicipality@gmail.com

ផ្លូវព្រះបាទកេតុមាលា, ភូមិទី៧, សង្កាត់កំពង់ចាម, ក្រុងកំពង់ចាម, ខេត្តកំពង់ចាម, ប្រទេសកម្ពុជា

បណ្ដាញសង្គម

សហការរៀបចំដោយ៖

logologologo
អភិវឌ្ឍដោយ៖ DCx Co., Ltd