ព័ត៌មានទូទៅ

https://cms.krongkampongcham.gov.kh/uploads/topics/17920760475060.jpg

ព័ត៌មាននៅថ្នាក់ក្រុង

៧

សូមឧទ្ទិសថ្វាយព្រះរាជកុសល ថ្វាយព្រះវិញ្ញាណក្ខន្ធព្រះករុណាព្រះបាទនរោត្តម សីហនុ ព្រះបរមរតនកោដ្ឋ គម្រប់ខួប ១៤ឆ្នាំ (១៥ តុលា ២០១២-១៥ តុលា ២០២៦)។

ក្នុងនាមក្រុមប្រឹក្សាក្រុង គណៈអភិបាលក្រុង មន្ត្រីរាជការ កងកម្លាំងប្រដាប់អាវុធ និងប្រជានុរាស្ត្រ ទូទាំងក្រុងកំពង់ចាម ទូលព្រះបង្គំយើងខ្ញុំ សូមឧទ្ទិសថ្វាយព្រះរាជកុសល ថ្វាយព្រះវិញ្ញាណក្ខន្ធព្រះករុណាព្រះបាទនរោត្តម សីហនុ ព្រះបរមរតនកោដ្ឋ គម្រប់ខួប ១៤ឆ្នាំ (១៥ តុលា ២០១២-១៥ តុលា ២០២៦)។

កូនចៅ ចៅទូតរបស់ព្រះអង្គ សូមចងចាំជានិច្ច នូវគុណូបការៈដ៏ថ្លៃថ្លារបស់ព្រះអង្គ ដែលបានលះបង់ព្រះកាយពល ដើម្បីជាតិ សាសនា និងប្រជារាស្រ្តរបស់ព្រះអង្គ។ សូមដួងព្រះវិញ្ញាណក្ខន្ធរបស់ព្រះអង្គ បានសោយសុខក្នុងឋានសុគតិភព កុំបីឃ្លៀងឃ្លាតឡើយ និងសូមជួយថែរក្សាអភិបាល រាជរដ្ឋាភិបាលកម្ពុជា ក្រោមការដឹកនាំដោយ សម្តេចមហាវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ឱ្យទទួលបាននូវសុខសន្តិភាព និងការអភិវឌ្ឍ រីកចម្រើនបន្ថែមទៀត ជូនដល់ព្រះរាជាណាចក្រកម្ពុជា។

១៥ តុលា ២០២៦

https://cms.krongkampongcham.gov.kh/uploads/topics/17920756507038.jpg

ព័ត៌មានកម្សាន្ត

៦

ការចុះពិនិត្យទីតាំងសំខាន់ៗ នៃកន្លែងប្រារព្ធពិធី សម្រាប់ត្រៀមរៀបចំពិធីប្រណាំងទូក “ង” ទូកខ្នាតអន្តរជាតិ បណ្ដែតប្រទីប តាំងពិព័រណ៍សមិទ្ធផល និងអុចកាំជ្រួច នៅក្រុងកំពង់ចាម

នារសៀលថ្ងៃទី១៤ ខែតុលា ឆ្នាំ២០២៦

លោក រី ដាវិន អភិបាលរងនៃគណៈអភិបាលក្រុងកំពង់ចាម បានអមដំណេីរជាមួយឯកឧត្តម លី សារ៉ារិទ្ធ អភិបាលរងខេត្ត តំណាងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម អញ្ជេីញចុះពិនិត្យទីតាំងសំខាន់ៗ នៃកន្លែងប្រារព្ធពិធី សម្រាប់ត្រៀមរៀបចំពិធីប្រណាំងទូក “ង” ទូកខ្នាតអន្តរជាតិ បណ្ដែតប្រទីប តាំងពិព័រណ៍សមិទ្ធផល និងអុចកាំជ្រួច នៅក្រុងកំពង់ចាម ខេត្តកំពង់ចាម។

១៥ តុលា ២០២៦

https://cms.krongkampongcham.gov.kh/uploads/topics/17919501671669.jpg

ព័ត៌មានថ្នាក់ខេត្ដ

៧

អភិបាលខេត្តកំពង់ចាម អញ្ជើញចុះពិនិត្យទីតាំងរៀបចំពិធីប្រណាំងទូក នៅក្រុងកំពង់ចាម

នាព្រឹក ថ្ងៃទី១៣ ខែតុលា ឆ្នាំ២០២៦

ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំក្រុមការងារ អញ្ជើញចុះពិនិត្យទីតាំងសម្រាប់រៀបចំកម្មវិធីប្រណាំងទូក ខេត្តកំពង់ចាម ដែល នឹងប្រព្រឹត្តទៅនៅក្រុងកំពង់ចាម នាឱកាសបុណ្យចេញវស្សាខាងមុខនេះ នឹងមានទូក «ង» និងទូកខ្នាតអន្តរជាតិ ចូលរួមប្រណាំងប្រជែងសរុប រហូតដល់ ១០០ ទូក ដោយត្រូវតតាំងគ្នា ចំនួន ៤ ជើង លើចម្ងាយផ្លូវទឹក ១,៥០០ ម៉ែត្រ ដើម្បីស្វែងរកជើងខ្លាំងប្រចាំខេត្ត។

ឯកឧត្តម អ៊ុន ចាន់ដា អភិបាលខេត្តកំពង់ចាម បានបញ្ជាក់ក្នុងកិច្ចប្រជុំអនុគណៈកម្មការបច្ចេកទេស កាលពីព្រឹកថ្ងៃទី១៣ ខែតុលា ឆ្នាំ២០២៦ ថា ព្រឹត្តិការណ៍ប្រណាំងទូកឆ្នាំនេះ នឹងប្រព្រឹត្តទៅនា ថ្ងៃចន្ទ ទី២៦ ខែតុលា ឆ្នាំ២០២៦ (ត្រូវនឹងថ្ងៃ១៥កើត ខែអស្សុជ ថ្ងៃបុណ្យចេញព្រះវស្សា) នៅក្រុងកំពង់ចាម។ ឯកឧត្តមអភិបាលខេត្ត បានឱ្យដឹងថា ព្រឹត្តិការណ៍នេះមានទូកចូលរួមសរុបចំនួន ១០០ ទូក ដោយក្នុងនោះរួមមាន ទូក «ង» ចំនួន ៥២ ទូក (ស្មើនឹង ២៦ គូ) និងទូកខ្នាតអន្តរជាតិ ចំនួន ៤៨ ទូក (ស្មើនឹង ២៤ គូ)។

ពាក់ព័ន្ធនឹងលក្ខណៈបច្ចេកទេសនៃការប្រកួត ឯកឧត្តម អ៊ុន ចាន់ដា បានបន្តថា ការប្រកួតត្រូវធ្វើឡើងចំនួន ៤ ជើង ដោយកាត់សេចក្តីលើលទ្ធផល ឈ្នះ-ចាញ់ សុទ្ធសាធ ដោយមិនគិតនាទីឡើយ។ ក្នុងនោះ ជើងទី១ ត្រូវចាប់ឆ្នោតជ្រើសរើសខ្សែទឹក ដោយទូកខ្នាតអន្តរជាតិប្រកួតជាមួយខ្នាតអន្តរជាតិ និងទូក «ង» ខ្នាតវែងប្រកួតជាមួយខ្នាតវែង រួចបន្តទៅជើងទី២ និងទី៣ ដែលជាការប្រកួតចម្រាញ់ខ្លាំងជួបខ្លាំង (អ្នកឈ្នះប៉ះអ្នកឈ្នះ) និងខ្សោយជួបខ្សោយ (អ្នកចាញ់ប៉ះអ្នកចាញ់) ហើយឈានទៅជើងទី៤ ដែលជាជើងប្រកួតសម្រេចដើម្បីស្វែងរកជ័យលាភីលេខ១, លេខ២ និងលេខ៣។

ឯកឧត្តមបានបន្ថែមថា ចំពោះទូកដែលមិនទទួលបានចំណាត់ថ្នាក់ ក៏នឹងទទួលបានទង់កិត្តិយស រួមទាំងការឧបត្ថម្ភលើកទឹកចិត្តផងដែរ ដើម្បីជាការជូនរង្វាន់ដល់ការខិតខំប្រឹងប្រែងរបស់កីឡាករទាំងអស់៕

១៤ តុលា ២០២៦

https://cms.krongkampongcham.gov.kh/uploads/topics/17918138733228.jpg

ព័ត៌មាននៅថ្នាក់ក្រុង

៨

កិច្ចប្រជុំគណៈកម្មាធិការផែនការសកម្មភាពរួមស្ដីពីការងារគណនេយ្យភាពសង្គម (JAAPC) ប្រចាំត្រីមាសទី៣ ឆ្នាំ២០២៦

នាព្រឹកថ្ងៃទី៨ ខែតុលា ឆ្នាំ២០២៦

លោកស្រី រិន ធារ៉ា អភិបាលរងនៃគណៈអភិបាលក្រុងកំពង់ចាម និងជាប្រធានក្រុមការងារគណនេយ្យភាពក្រុងកំពង់ចាម បានអញ្ជើញដឹកនាំកិច្ចប្រជុំគណៈកម្មាធិការផែនការសកម្មភាពរួមស្ដីពីការងារគណនេយ្យភាពសង្គម (JAAPC) ប្រចាំត្រីមាសទី៣ ឆ្នាំ២០២៦ ដើម្បីពិនិត្យ និងតាមដានវឌ្ឍនភាពស្ដីពីការអនុវត្តផែនការសកម្មភាពរួម(JAAP) ដែលបានអនុវត្តក្នុងឆ្នាំ២០២៦ និងពិភាក្សាដោះស្រាយបញ្ហាប្រឈមនានា ដើម្បីអោយការអនុវត្តផែនការសកម្មភាពរួមស្ដីពីការងារគណនេយ្យភាពសង្គមអោយបានល្អប្រសើរ ដើម្បីឆ្លើយតបទៅនឹងតម្រូវរបស់ប្រជាពលរដ្ឋបានទាន់ពេលវេលា និងមានប្រសិទ្ធភាពខ្ពស់។

១២ តុលា ២០២៦

https://cms.krongkampongcham.gov.kh/uploads/topics/17918134998065.jpg

ព័ត៌មានថ្នាក់ខេត្ដ

៩

ប្រជុំត្រួតពិនិត្យ លទ្ធផលការងាររយៈពេល៩ខែឆ្នាំ២០២៦ នៃការអនុវត្តគោលនយោបាយ ភូមិ ឃុំ-សង្កាត់ មានសុវត្ថិភាព។

ព្រឹកថ្ងៃទី៧ ខែតុលា ឆ្នាំ២០២៦

លោក រី ដាវិន អភិបាលរងនៃគណៈអភិបាលក្រុងកំពង់ចាម តំណាងលោក លី សុវណ្ណ អភិបាលនៃគណៈអភិបាលក្រុងកំពង់ចាម បានដឹកនាំលោក អ៊ុម ឌីណា នាយករងរដ្ឋបាលក្រុង អញ្ជេីញចូលរួមប្រជុំត្រួតពិនិត្យ លទ្ធផលការងាររយៈពេល៩ខែឆ្នាំ២០២៦ នៃការអនុវត្តគោលនយោបាយ ភូមិ ឃុំ-សង្កាត់ មានសុវត្ថិភាព។ ក្រោមអធិបតីភាពដ៏ខ្ពង់ខ្ពស់ឯកឧត្តម អ៊ួច ភា រដ្ឋលេខាធិការក្រសួងមហាផ្ទៃ និងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម។

----------======-----------

នៅសាលសន្និសិទ សាលាខេត្តកំពង់ចាម ។

១២ តុលា ២០២៦

https://cms.krongkampongcham.gov.kh/uploads/topics/17918128908152.jpg

ព័ត៌មាននៅថ្នាក់ក្រុង

១០

កិច្ចប្រជុំសាមញ្ញលេីកទី២៩ អាណត្តិទី៤ របស់ក្រុមប្រឹក្សាក្រុងកំពង់ចាម

នាព្រឹកថ្ងៃទី៦ ខែតុលា ឆ្នាំ២០២៦

រដ្ឋបាលក្រុងកំពង់ចាម បានរៀបចំកិច្ចប្រជុំសាមញ្ញលេីកទី២៩ អាណត្តិទី៤ របស់ក្រុមប្រឹក្សាក្រុងកំពង់ចាម។ ក្រោមអធិបតីភាពលោក នាង ឈុនហ៊ាង ប្រធានក្រុមប្រឹក្សាក្រុងកំពង់ចាម និងលោកស្រី រិន ធារ៉ា អភិបាលរងនៃគណៈអភិបាលក្រុងកំពង់ចាម។

របៀបវារៈ អង្គប្រជុំសាមញ្ញក្រុមប្រឹក្សាក្រុងកំពង់ចាម មានដូចខាងក្រោម៖

១.មតិបើកកិច្ចប្រជុំ

២.ត្រួតពិនិត្យ កូរ៉ុមប្រជុំ

៣.ពិនិត្យ និងអនុម័ត លើសេចក្តីព្រាងរបៀបវារៈ នៃកិច្ចប្រជុំ

៤.ពិនិត្យ និងអនុម័ត កំណត់ហេតុ នៃកិច្ចប្រជុំសាមញ្ញលើកទី២៨ អាណត្តិទី៤ របស់ក្រុមប្រឹក្សាក្រុងកំពង់ចាម

៥.ពិនិត្យ និងអនុម័ត របាយការណ៍ប្រចាំខែកញ្ញា ប្រចាំត្រីមាសទី៣ ឆ្នាំ២០២៦ និងទិសដៅខែបន្ទាប់ របស់រដ្ឋបាលក្រុងកំពង់ចាម

៦.ពិនិត្យ និងអនុម័ត ដីកាសម្រេចស្ដីពីការកំណត់កម្រៃសេវារដ្ឋបាលក្រុងកំពង់ចាម ខេត្តកំពង់ចាម

៧.ពិនិត្យ និងអនុម័ត របាយការណ៍ស្ដីពីការអនុវត្តកិច្ចលទ្ធកម្មប្រចាំត្រីមាសទី៣ ឆ្នាំ២០២៦ របស់រដ្ឋបាលក្រុងកំពង់ចាម

៨.ពិនិត្យ និងអនុម័ត តារាងបែងចែកប្រាក់រង្វាន់លើកទឹកចិត្ត សម្រាប់មន្ត្រី រដ្ឋបាលក្រុងកំពង់ចាម ប្រចាំខែកញ្ញា ឆ្នាំ២០២៦

៩មតិយោបល់ចូលរួមរបស់លោកអភិបាលក្រុង

១០បញ្ហាផ្សេងៗ

១១មតិបិទអង្គប្រជុំ។

១២ តុលា ២០២៦

https://cms.krongkampongcham.gov.kh/uploads/topics/17907781228764.jpg

ព័ត៌មានចំណេះដឹង

២២

ផ្សព្វផ្សាយការស្វែងរកឱកាសការងារ ច្បាប់ទប់ស្កាត់អំពើហិង្សាក្នុងគ្រួសារ អំពើជួញដូរមនុស្ស ស្កែមអនឡាញ សុខភាពស្រ្តីនិងកុមារ ជំងឺគ្រុនឈាម ការជ្រើសរើសកាតព្វកិច្ចជាយោធា និងអនាម័យបរិស្ថាន

នាព្រឹកថ្ងៃទី ៣០ ខែ កញ្ញា ឆ្នាំ ២០២៦

លោកស្រី អៀង សុភាបញ្ញត្តិ ប្រធានការិយាល័យ សង្គមកិច្ច និងសុខុមាលភាពសង្គម បានសហការជាមួយលោកស្រីប្រធានមណ្ឌលសុខភាពវាលវង់ និងលោកស្រី ចៅសង្កាត់រង សង្កាត់វាលវង់ បានចុះផ្សព្វផ្សាយការស្វែងរកឱកាសការងារ ច្បាប់ទប់ស្កាត់អំពើហិង្សាក្នុងគ្រួសារ អំពើជួញដូរមនុស្ស ស្កែមអនឡាញ សុខភាពស្រ្តីនិងកុមារ ជំងឺគ្រុនឈាម និងការជ្រើសរើសកាតព្វកិច្ចជាយោធា និងអនាម័យបរិស្ថាន នៅភូមិទី២ សង្កាត់វាលវង់ ដោយមានប្រជាពលរដ្ឋសរុបចូលរួម ៣៧នាក់ ស្រី៣០នាក់។

៣០ កញ្ញា ២០២៦

https://cms.krongkampongcham.gov.kh/uploads/topics/17907775283564.jpg

ព័ត៌មាននៅថ្នាក់ក្រុង

២៣

មន្ទីរឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ខេត្តកំពង់ចាម បាននាំយកជញ្ជីងគំរូរទៅទុកនៅក្នុងផ្សារបឹងកុក ក្រុងកំពង់ចាម

នាព្រឹកថ្ងៃទី៣០ ខែកញ្ញា ឆ្នាំ២០២៦

លោក ខា វល័ក្ខ អភិបាលរងនៃគណៈអភិបាលក្រុងកំពង់ចាម បានអញ្ជេីញដឹកនាំក្រុមការងារ ចូលរួមជាមួយតំណាងមន្ទីរឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ខេត្តកំពង់ចាម ដេីម្បីនាំយកជញ្ជីងគំរូរទៅទុកជាប្រយោជន៍ដល់ប្រជាពលរដ្ឋដែលជាអ្នកទិញ និងអ្នកលក់ប្រេីប្រាស់ ជៀសវាងការបន្លំភ្នែកជញ្ជីងនៅក្នុងផ្សារបឹងកុក ក្រុងកំពង់ចាម ខេត្តកំពង់ចាម។

៣០ កញ្ញា ២០២៦

https://cms.krongkampongcham.gov.kh/uploads/topics/17907770962330.jpg

ព័ត៌មាននៅថ្នាក់ក្រុង

២២

កិច្ចប្រជុំ ពិនិត្យស្ថិតិប្រជាពលរដ្ឋ និងការស្រង់ស្ថិតិប្រជាពលរដ្ឋចាប់ពីអាយុ ១៧ឆ្នាំដល់ ២៥ឆ្នាំ

នារសៀលថ្ងៃទី២៩ ខែកញ្ញា ឆ្នាំ២០២៦

លោក ឈួន វិបុល អភិបាលរងនៃគណៈអភិបាលក្រុងកំពង់ចាម បានដឹកនាំកិច្ចប្រជុំពិនិត្យស្ថិតិប្រជាពលរដ្ឋ និងការស្រង់ស្ថិតិប្រជាពលរដ្ឋ ដែលមានអាយុចាប់ពី ១៧ឆ្នាំ ដល់ ២៥ឆ្នាំ។ ដោយមានការអញ្ជេីញចូលរួមពីលោកនាយករងរដ្ឋបាលក្រុង លោកអនុប្រធានការិយាល័យផែនការ និងគាំទ្រសង្កាត់ លោក លោកស្រី ចៅសង្កាត់ទាំងបួន កងកម្លាំងទាំងពីរ លោក លោកស្រី ស្មៀនសង្កាត់ទាំងបួន និងលោក លោកស្រី ប្រធានភូមិទាំង៣៤ភូមិ។

--------------======------------

សាលប្រជុំធំ សាលាក្រុងកំពង់ចាម

៣០ កញ្ញា ២០២៦

https://cms.krongkampongcham.gov.kh/uploads/topics/17906943183667.jpg

ព័ត៌មាននៅថ្នាក់ក្រុង

២៣

វគ្គអប់រំ ផ្សព្វផ្សាយបញ្រ្ជាបការយល់ដឹងស្តីពីសារៈសំខាន់នៃការបោះឆ្នោតនៅកម្ពុជា

នាព្រឹកថ្ងៃទី២៩ ខែកញ្ញាឆ្នាំ២០២៦

លោក ឈួន វិបុល អភិបាលរងនៃគណៈអភិបាលក្រុងកំពង់ចាម អញ្ជេីញចូលរួមបេីកវគ្គអប់រំ ផ្សព្វផ្សាយបញ្រ្ជាបការយល់ដឹងស្តីពីសារៈសំខាន់នៃការបោះឆ្នោតនៅកម្ពុជា ក្រោមអធិបតីភាព ឯកឧត្តម ខ្លូត ចិន្តា អភិបាលរងនៃគណៈអភិបាលខេត្តកំពង់ចាម និងឯកឧត្តម ម៉ុក ដារ៉ា អគ្គលេខាធិការងនៃគណៈកម្មាធិការជាតិរៀបចំការបោះឆ្នោត។

សាលប្រជុំធំ សាលាខេត្តកំពង់ចាម

២៩ កញ្ញា ២០២៦

https://cms.krongkampongcham.gov.kh/uploads/topics/17906939607894.jpg

ព័ត៌មានថ្នាក់ខេត្ដ

២០

កិច្ចប្រជុំគណៈកម្មការរៀបចំពិធីប្រណាំងទូក «ង» ទូកខ្នាតអន្តរជាតិ បណ្តែតប្រទីប តាំងពិព័រណ៍សមិទ្ធផល និងអុចកាំជ្រួច

នាព្រឹកថ្ងៃទី២៩ ខែកញ្ញា ឆ្នាំ២០២៦

លោក លី សុវណ្ណ អភិបាលនៃគណៈអភិបាលក្រុងកំពង់ចាម ដឹកនាំលោក លោកស្រី អភិបាលរង អញ្ជេីញចូលរួមកិច្ចប្រជំគណៈកម្មការរៀបចំពិធីប្រណាំងទូក«ង» ទូកខ្នាតអន្តរជាតិ បណ្តែតប្រទីប តាំងពិព័រណ៍សមិទ្ធផល និងអុចកាំជ្រួចនៅក្រុងកំពង់ចាម ខេត្តកំពង់ចាម។ ក្រោមអធិបតីភាពដ៏ខ្ពង់ខ្ពស់ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មការរៀបចំពិធីប្រណាំងទូក«ង» ដើម្បីពិភាក្សា និងរៀបចំផែនការការងារឱ្យដំណើរការទៅដោយរលូន សុវត្ថិភាព និងកាន់តែអធិកអធម ក្នុងឱកាសបុណ្យចេញព្រះវស្សា នាពេលខាងមុខ នៅក្រុងកំពង់ចាម។

កិច្ចប្រជុំនេះបានប្រព្រឹត្តទៅនៅសាលាខេត្តកំពង់ចាម ដោយមានការអញ្ជើញចូលរួមពីសំណាក់ លោក លោកស្រី អភិបាលរងខេត្ត កងកម្លាំងប្រដាប់អាវុធទាំងបីប្រភេទ ប្រធានមន្ទីរ-អង្គភាពជុំវិញខេត្ត និងអាជ្ញាធរដែនដីពាក់ព័ន្ធជាច្រើនរូប។

ក្នុងឱកាសនោះ ឯកឧត្តម អ៊ុន ចាន់ដា អភិបាលខេត្ត និងជាប្រធានគណៈកម្មការ បានណែនាំ និងរំលេចនូវចំណុចសំខាន់ៗដល់អនុគណៈកម្មការ និងផ្នែកពាក់ព័ន្ធទាំងអស់ ត្រូវសហការគ្នាយ៉ាងជិតស្និទ្ធ ជាពិសេសលើកិច្ចការរៀបចំផែនការការពារសន្តិសុខ សុវត្ថិភាព និងសណ្តាប់ធ្នាប់សាធារណៈជូនប្រជាពលរដ្ឋ ព្រមទាំងភ្ញៀវទេសចរជាតិ និងអន្តរជាតិ ការត្រៀមលក្ខណៈបច្ចេកទេសប្រណាំងទូក រៀបចំស្តង់តាំងពិព័រណ៍សមិទ្ធផល បណ្តែតប្រទីប និងការអុចកាំជ្រួចឱ្យមានភាពទាក់ទាញ ព្រមទាំងយកចិត្តទុកដាក់លើការគ្រប់គ្រងអនាម័យ បរិស្ថាន និងសម្រួលចរាចរណ៍នៅតាមដងផ្លូវសំខាន់ៗក្នុងក្រុងកំពង់ចាម ដើម្បីបង្កលក្ខណៈងាយស្រួលដល់ការធ្វើដំណើររបស់មហាជន។

ឯកឧត្តម អ៊ុន ចាន់ដា បានឱ្យដឹងថា ព្រឹត្តិការណ៍នេះនឹងត្រូវរៀបចំឡើងក្នុងរយៈពេលតែ ១ ថ្ងៃប៉ុណ្ណោះ ដោយមានទូក «ង» និងទូកខ្នាតអន្តរជាតិចូលរួមប្រណាំងសរុបចំនួន ៨៨ ទូក (ស្មើនឹង ៤៤ គូ)។

ទន្ទឹមនឹងនេះ ឯកឧត្តមអភិបាលខេត្ត ក៏បានអំពាវនាវដល់សប្បុរសជននានា ចូលរួមជួយឧបត្ថម្ភគាំទ្រដល់ការរៀបចំពិធី ក៏ដូចជាជួយដល់កីឡាករអុំទូកទាំងអស់ផងដែរ។ ជាមួយគ្នានេះ ឯកឧត្តមបានជំរុញឱ្យគ្រប់ផ្នែកពាក់ព័ន្ធ ខិតខំបំពេញភារកិច្ចតាមបណ្តាអនុគណៈកម្មការនីមួយៗ ដោយស្មារតីទទួលខុសត្រូវខ្ពស់ ដើម្បីឱ្យព្រឹត្តិការណ៍នេះ ប្រព្រឹត្តទៅដោយបរិយាកាសសប្បាយរីករាយ សុវត្ថិភាព និងទទួលបានជោគជ័យយ៉ាងត្រចះត្រចង់៕

២៩ កញ្ញា ២០២៦

https://cms.krongkampongcham.gov.kh/uploads/topics/17906071184760.jpg

ព័ត៌មានថ្នាក់ខេត្ដ

២៣

កិច្ចប្រជុំ អនុគណៈកម្មការបច្ចេកទេសប្រណាំងទូក នៃគណៈកម្មការរៀបចំក្នុងពិធីប្រណាំងទុកថ្នាក់ខេត្ត ក្នុងពិធីប្រណាំងទូក “ ង ” ទូកខ្នាតអន្តរជាតិ បណ្ដែតប្រទីប តាំងពិព័រណ៍សមិទ្ធផល និងអុចកាំជ្រួច នៅក្រុ

នាព្រឹកថ្ងៃទី២៨ ខែកញ្ញា ឆ្នាំ២០២៦

លោក ខា វល័ក្ខ អភិបាលរងនៃគណៈអភិបាលក្រុងកំពង់ចាម បានអញ្ជេីញចូលរួមកិច្ចប្រជុំគណៈកម្មការបច្ចេកទេសប្រណាំងទូក នៃគណៈកម្មការរៀបចំក្នុងពិធីប្រណាំងទូកថ្នាក់ខេត្ត ក្នុងពិធីប្រណាំងទូក “ ង ” ទូកខ្នាតអន្តរជាតិ បណ្ដែតប្រទីប តាំងពិព័រណ៍សមិទ្ធផល និងអុចកាំជ្រួច នៅក្រុងកំពង់ចាម ដេីម្បីត្រៀមរៀបចំ នាពេលខាងមុខនេះ។ ក្រោមអធិបតីភាពឯកឧត្តម ផេន សុផល អភិបាលរងខេត្តកំពង់ចាម កិច្ចប្រជុំបានធ្វើនៅសាលាខេត្ត ដោយមានការអញ្ជើញចូលរួមពី លោកនាយករង រដ្ឋបាលសាលាខេត្ត, អភិបាលរងក្រុង , ចៅសង្កាត់ទាំង៤ តំណាងមន្ទីរ និងមន្ត្រីជំនាញពាក់ព័ន្ធផងដែរ។

២៨ កញ្ញា ២០២៦

«១ ២ ៣ ៤ ...១០ »

ព័ត៌មានផ្សេងទៀត

ព័ត៌មានថ្នាក់ខេត្ដ ព័ត៌មានកីឡា ព័ត៌មានសុខភាព ព័ត៌មានកម្សាន្ត ព័ត៌មានបច្ចេកវិទ្យា ព័ត៌មានចំណេះដឹង ព័ត៌មានសិល្បៈ ព័ត៌មាននៅថ្នាក់ក្រុង ព័ត៏មានតាមសង្កាត់

ព័ត៌មានទូទៅ

អភិបាលខេត្តកំពង់ចាម អញ្ជើញចុះពិនិត្យទីតាំងរៀបចំពិធីប្រណាំងទូក នៅក្រុងកំពង់ចាម

កិច្ចប្រជុំគណៈកម្មាធិការផែនការសកម្មភាពរួមស្ដីពីការងារគណនេយ្យភាពសង្គម (JAAPC) ប្រចាំត្រីមាសទី៣ ឆ្នាំ២០២៦

កិច្ចប្រជុំសាមញ្ញលេីកទី២៩​ អាណត្តិទី៤​ របស់ក្រុមប្រឹក្សាក្រុងកំពង់ចាម

កិច្ចប្រជុំ ពិនិត្យស្ថិតិប្រជាពលរដ្ឋ និងការស្រង់ស្ថិតិប្រជាពលរដ្ឋចាប់ពីអាយុ ១៧ឆ្នាំដល់ ២៥ឆ្នាំ

វគ្គអប់រំ ផ្សព្វផ្សាយបញ្រ្ជាបការយល់ដឹងស្តីពីសារៈសំខាន់នៃការបោះឆ្នោតនៅកម្ពុជា

ព័ត៌មានផ្សេងទៀត

តំណភ្ជាប់សំខាន់ៗ

សេវារដ្ឋបាល

កិច្ចប្រជុំសាមញ្ញលេីកទី២៩ អាណត្តិទី៤ របស់ក្រុមប្រឹក្សាក្រុងកំពង់ចាម